【認真Mode】張敬軒長文撐容祖兒、感謝英皇感觸：我感覺自己比以前開心咗

生活熱話娛樂新聞

By Heidi on 09 May 2019

Digital Editor

張敬軒早兩日推出咗致敬容祖兒嘅新歌《Pretty Hungry》，獲得唔少好評～

Photo from 張敬軒IG

啱啱張敬軒就Post咗長文，講咗自己點解會忽發奇想，想扮Joey。

Photo from 張敬軒IG

原來因為今年係Joey出道20週年，所以張敬軒就想搞搞新意思，點知公司同事就即刻陪佢癲，仲連歌詞都改埋。

Photo from 容祖兒IG

佢仲好多謝公司，因為佢地俾咗好大空間每一位同事，所以感覺自己比以前開心咗，仲好多謝一班喪嘅同道中人，包括容祖兒。

Photo from 張敬軒IG

張敬軒仲感嘆「人生有幾多個廿年」，話自己讀書嘅時候都係聽容祖兒嘅歌～

張敬軒收起搞笑，寫出呢段長文，感動到唔少人。

View this post on Instagram

#唔駛驚呢張真係 #容祖兒嚟嘅 ? #嚇死人咩嚇到個心離一離啊今次呢單 #火龍果源於我阿姐 @yungchoyee 出新歌 #prettycrazy MV嗰日, 我想諗個特別啲形式repost, 畢竟今年係我喱個老友出道20週年，我又唔想咁行，想搞搞新意思。於是我打咗個電話俾我哋content team嘅大家姐詩雅 @kokabee ，話有個咁咁咁嘅構思，問大家得唔得閒陪我一齊癲。點知唔夠兩日，佢哋已經call晒production, styling 同book埋録影廠，我個髮型師 @ritzlam 連幾個假髮都起好埋 #詩雅姐仲要重新出山做埋二次創作改埋歌詞 #真係prettycrazy 喱幾年，我感覺自己比以前開心咗，除咗自己心智上嘅成熟之外，好大程度上係因為喱間公司同公司入面嘅人。佢哋俾咗好大嘅空間每一個artist，令我哋可以做自己覺得好玩嘅事，有時連自己都覺得牙煙嘅橋上到老闆度佢竟然up頭 #當然唔少得嘅係身邊有一班喪嘅同道中人 #例如容祖兒 ? 所以 #認真做柒事已經成為我同content team 為大眾服務嘅宗旨。所以如果呢隻核突野 #火龍果因為你嗰日嘅生活帶來一個笑容，我覺得好開心好欣慰；如果佢令你感到不適，我會感到深深嘅 #sor9ly 我過去嗰兩日，同喱位 #crazywoman #瘋婦一齊拍 #麥當勞廣告，佢病到聲都冇埋，跳住拍拍住跳十幾個鐘不特止，佢一埋到位仲精神過廿年前，呢個人對佢嘅專業只會好似喺拍攝當中嘅佢一樣，一次比一次做得更好 #我喺隔離堅係學到野有嘢落袋佢出道廿週年了 #其實人生有幾多個廿年當年 #逃避你嘅時候我仲讀緊書。原來有時候喜歡嘅歌手就好似同自己一齊成長嘅知己一樣，聽返佢嘅歌，就好似睇返一套屬於自己的電影一樣，每首歌喺不同嘅時間，承載著不同嘅自己，記錄住自己不同嘅經歷，佢本人同佢嘅作品其實一直陪伴著自己長大。喺喱二十年當中，每個有聽開粵語流行曲嘅人都一定有一首容祖兒嘅歌可以令你回憶起某個時候嘅自己；當年曾經喺K房一齊嗌 #16號愛人 #心淡嗌到拆天嘅嗰個老友今日仲喺唔喺你身邊？曾經你一聽到容祖兒嘅歌你就會掛住嘅嗰個人今日又成為咗你嘅邊個？以前陪你一齊去睇容祖兒演唱會嘅人今次有冇得再約返？..... 有冇都好，呢啲嘅回憶已經成為你人生當中某一段最珍貴嘅片段，又或者已經成為令你變成一個更好嘅人嘅一段人生經歷。今朝有機會，去約返喱個人、喱啲人或者過去嘅自己去返睇一場演唱會。#祝你好運 #見到有南亞裔朋友排隊買飛望真啲先 #可能係我 #其實不設售票處售票 #記得喪㩒F5 #prettycrazyjoeyyungconcerttour #今朝公開發售慳位落埋個 #火龍果嘅credit先: Makeup by @cyruslee1018 Hair by @ritzlam @hair.corner Styling by @constanclee @cons.style Production by @yuenwrong 辛苦晒每一位同事吖????

A post shared by Hins Cheung 張敬軒 (@hinscheung) on May 8, 2019 at 5:58pm PDT

Joey都有覆張敬軒：「其實就算你嘅行為係幾crazy , 我個心一直都pretty sweet 到漏❤️❤️❤️❤️❤️❤️❤️有咩人會喺自己已經忙到去廁所嘅時間都無，仍然去做啲嘢去為你嘅事情錦上添花。我知道的，這全是愛。其實我無咩補充，只想說這20年我有幾大嘅成績都不及擁有我所有真心以禮相待但仍然互相攻擊嘅一班老友，我這兩天病到命都無，好彩同呢個男人一齊做嘢，有傾有講大家齊齊度掂佢，雖然辛苦，但又是另一個美好回憶，感動到咁，唔好講咁多，火龍果，到時見啦！」