網民大讚勁有創意～《娃鬼回魂：魅來世界》 2張美國宣傳海報惡搞同日上映《Toy Story4》 正式「宣戰」！

唔少人最近都期待緊童年回憶《Toy Story》最新電影嘅上映，其實同一時間都有以玩具為主題嘅電影《娃鬼》（Child's Play）上映，唔同在於一套係合家歡電影，另一套係恐怖片。而《娃鬼回魂》仲喺呢排前後推出兩張宣傳海報，好多人睇完都大讚！

如果有緊貼《Toy Story4》嘅宣傳，就會留意到佢地推出嘅電影宣傳海報。

Photo from Toy Story

Photo from Toy Story

而喺美國同月同日上映嘅《娃鬼回魂》，亦即係經典恐怖片公仔Chucky殺人嘅電影，於5月1日就發佈全新宣傳海報，用返一樣嘅背景，唔同在於左邊係Chucky行過嘅身影，右邊係拎住牛仔帽嘅格仔衫嘅手，仲有啲屬於公仔嘅棉花走咗出嚟添！

Photo from Child's Play Movie

睇過Toy Story嘅朋友都會一睇到Poster就諗起胡迪～用呢種手法，好似同同日上映嘅《Toy Story 4》宣戰咁！

Photo from Child's Play Movie

以為咁就完？未完架，5月21日再有新嘅宣傳海報，就係半截、無頭嘅彈弓狗畀人叉住咁用火燒！乜愈玩愈大咁？

同樣都係玩具做主題，Toy Story以前胡迪佢地嘅主人係Andy，而《娃鬼》Chucky嘅對手都係Andy！呢幾個巧合，再加上咁強勁嘅創意，真係未上映已經令人印象深刻。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）