【Hotel遊牧團】灣仔航海風酒店 啱晒閨蜜去 住夠2晚有免費專業攝影師幫你影相

位於灣仔菲林明道嘅新酒店，係唔少KOL嘅打卡熱點。酒店裏嘅設施相當懷舊，以舊日嘅渡海小輪為設計靈感，最適合同閨蜜打卡呃Like。由即日起到7月31日，只要入住酒店2晚以上，酒店就會免費安排攝影師幫你同閨蜜影靚相，想影到KOL嘅呃like靚相真係話咁易，不如就等小編阿田同晴晴一齊帶大家睇吓有咩打卡點啦！

第一個打卡位：Lobby
由於呢間酒店係改建自70年代嘅建築物，所以一入去Lobby就以為自己搭咗時光機去咗以前咁，梳化都模仿返以前嘅渡輪座椅，好有懷舊嘅風味。

第二個打卡位：房內大床位
酒店房內嘅大床係Queen Size，兩個人瞓都唔會覺得迫，即刻同閨蜜玩返場枕頭大戰先！

如果想斯文啲，扮吓文青睇吓報紙都幾chill架！

另外覺得出街早餐好麻煩嘅話，酒店都有提供返Room Service服務，方便你同閨蜜靜靜地二人世界。

第三個打卡位：房內梳化位
除咗有免費攝影師之外，入住酒店兩晚以上仲可以在客房內免費享用香檳1支，Cheers。

第四個打卡位：房內窗檯位
呢個窗檯位，透光度好高，可以影到逆光嘅效果。而且出面仲可以睇到灣仔區繁華嘅景色，同閨蜜傾吓心事，或者食吓嘢，都幾寫意㗎！

第五個打卡位：洗手間
呢度嘅洗手間設計都好有工業風，細緻到連燈掣位都做得好detail。水龍頭同洗手盤都係用黃銅打造，就算同閨蜜刷個靚牙咁平常，都一樣影到幅靚相。

第六個打卡位：門外走廊位

門外嘅走廊位，都一樣好有舊日嘅航海風，有唔少KOL都好鐘意喺呢個位影相。

第七個打卡位：走廊窗前位

除咗走廊位，行多少少去到窗前都有一個打卡位。窗嘅前面有一道用原木造嘅窗簾，一到黃昏啲陽光折射落嚟，記得要捕捉呢刻嘅Magic Moment，唰！係咪好有feel呢！

第八個打卡位：升降機

仲有酒店嘅升降機都好有英倫復古風，小編們都認為呢個位打卡係最靚！

芬名酒店
地址：香港灣仔菲林明道41號
網址: https://www.thefleming.com

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）