《阿拉丁》加插原著無嘅情節！茉莉公主同Will Smith演嘅燈神勁搶鏡 故事線更鮮明真實 幾有驚喜～

唔少人未睇前都對《阿拉丁》期望唔大，但睇完發現劇情改動咗幾令人驚喜，而且再出現經典《A Whole New World》，好聽到令人起晒雞皮。主角阿拉丁喺電影中唔算好出格，茉莉公主同燈神嘅故事線更有睇頭、更搶眼。

Photo from Disney

首先當茉莉公主一出場已經好令人驚喜，因為飾演茉莉公主嘅Naomi Scott外表亮麗之餘，帶一絲絲倔強，幾符合新版《阿拉丁》嘅人設，就係將茉莉公主塑造同原著唔同、憂國憂民、明明有雄圖大志，但因為係公主，而唔係王子，所以唔可以成為蘇丹，只可以嫁畀王子，等丈夫成為蘇丹。

Photo from Disney

但對此佢並無心甘情願接受，甚至到賈方奪權，要侍衛拉走佢，佢行到門口再演譯嘅《Speechless》，令觀眾眼前一亮。

Photo from Disney

Photo from Disney

原著嘅《阿拉丁》茉莉公主除咗揀阿拉丁外，就無顯現出獨立堅強嘅一面。

呢首歌係迪士尼專為茉莉公主寫嘅歌。對雄圖大志、有淵博知識，想要成為愛國愛民嘅蘇丹。而呢首歌就係講唔願意好似以前女人就係唔可以出聲，唔可以表達嘅，佢決心要打破呢一切，打破呢種框框。

Photo from Disney

為茉莉公主加入「女權」元素，令到呢個角色唔係得個「靚」，仲係好上進、好有心同內涵的公主，比起阿拉丁都要搶眼好多。

同埋為茉莉公主加個好似閨蜜咁嘅侍女，有咩都同佢分享，個感覺真係同現實生活幾似，遇到心上人囉囉攣同閨蜜傾，遇到唔鍾意嘅追求者又訴苦。

Photo from Disney

而呢個侍女朵蘭都為燈神呢條線生色不少，由Will Smith演都知會演得好生鬼，新版仲要幫燈神加重咗戲份，令到佢嘅故事線更豐富同真實。

好似由一開始講故事再首尾呼應，再去到燈神話就話幫阿拉丁引開朵蘭，畀佢同公主獨處，其實就係自己都想可以同朵蘭相處一下。

Photo from Disney

而燈神為咗救阿拉丁，走灰色地帶幫佢「許願」救返佢條命，可以睇到燈神同阿拉丁嘅關係有幾好，再去到阿拉丁放佢自由，佢同朵蘭嘅後續都令故事圓滿起嚟。

Photo from Disney

而Will Smith嘅演出都無令人失望，既做到燈神嘅幽默，由洞穴解釋點樣許願都載歌載舞，教阿拉丁點追公主都好好笑～

Photo from Disney

整體嚟講真人版《阿拉丁》改動咗係幾好睇～不過變咗阿拉丁戲份同形象，相比茉莉公主同燈神就會失色啲。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）