【維他奶 x Green Common 首度聯乘‧健康植物奶特飲！全素材料‧滋味有營】

相信大家平時同朋友出街，都鐘意買返杯特飲邊行邊飲，不過市面上售賣嘅手搖飲品好多都以全脂奶配大量添加糖調製，好容易愈飲愈肥！想飲得健康又美味，唔通只能夠二選其一？

咁又未必！植物奶而家愈來愈流行，即係以全植物材料中提取，如奶般順滑嘅飲品，佢哋好味之餘，沖調成特飲，一啲都唔比牛奶遜色，而且營養價值高。小編發現最近Green Common同維他奶大搞Cross-over，兩個都係提倡植物產品飲食新文化嘅品牌，首度聯乘推出「SOY GOOD SOY YUMMY」系列3款期間限定嘅健康植物奶特飲，賣相能媲美潮流特飲外，每款更具不同健康好處及特色。今次以植物奶中最為人熟識嘅豆奶配合多款健康嘅植物材料，其清甜味最能提升特飲味道，沖調出滋味十足嘅健康特飲。而Green Common 特別選用由非基因改造⼤豆製成，零膽固醇，零反式脂肪及卡路里更比全脂牛奶少40%*嘅「維他奶專業沖調用豆奶」， 除咗令客人盡享健康好處外，佢嘅配方更係由澳洲咖啡師團隊一同研發出嚟，能造出綿滑奶泡， 富天然風味，最適合沖調不同特飲，完美呈現「健康而不失滋味」為題嘅植物奶特飲系列，啱晒素食或者追求健康嘅您。

豆奶平時飲得多，但只要配搭不同材料，都可變化出美味同吸睛嘅飲品！呢3款特飲顏色粉嫩，單係賣相已經非常吸引！而且全部以「維他奶專業沖調用豆奶」同全素材料沖調，配搭日本無添加抹茶、有機伯爵茶、開心果等人氣食材，杯杯健康有營，更有獨特好處，總有一款啱您，大家可以盡情飲！

Photo from Vitasoy

呢杯薄荷綠色嘅其實係開心果豆奶奶昔！佢嘅綠色係由天然螺旋藻調成，具有排毒消脂功效。佢用維他山水豆腐同豆奶攪拌成幼滑Smoothie，豆味超香濃，而且一杯已經含有12克蛋白質，有助消脂增肌！奶昔面頭仲灑上脆卜卜嘅開心果仁做Topping，口感幼滑豐富！

Photo from Vitasoy

抹茶控點可以錯過呢杯黑糖抹茶豆奶呀？佢用無添加正宗日本抹茶製成，加埋黑糖同清甜「維他奶專業用豆奶」嘅完美搭配，抗氧化仲夠晒天然健康。最特別嘅係佢鋪上同樣低脂嘅蕎麥脆粒，一入口就係抹茶清香同蕎麥嘅脆脆口感！

Photo from Vitasoy

唔少女生都鐘意飲熱飲養生，小編就推薦呢杯雪泡玫瑰有機伯爵奶茶！佢由天然玫瑰同有機伯爵茶葉沖泡而成，再配埋由優質「維他奶專業用豆奶」打造嘅綿密奶泡。泡泡如雪一樣，每一啖都係幸福滋味，清香玫瑰更令人輕鬆，絕對適合一眾都市人！由於係以豆奶取代全脂牛奶，所以呢一杯奶茶只有60卡路里！絕對係女生恩物！

Photo from Vitasoy

於環境舒適優雅嘅Green Common 及Kind Kitchen by Green Common 內品味這三款外在美及內在美都咁好嘅豆奶特飲，配合各款具創意嘅健康素食，如Beyond Burger 及豆乳湯麵，絕對係忙裡偷閒嘅好地方。而家惠顧Green Common主餐牌內指定美食，更可以優惠價HK$28享用以上三款維他奶x Green Common「SOY GOOD SOY YUMMY」 特飲，仲唔快啲約埋三五知己一齊去品味健康生活新品味。

Photo from Vitasoy

近年愈嚟愈多人喜歡轉飲植物奶，除咗因為佢健康同美味外，更可為環境出一分力，種植植物所需嘅水比養植牛少及可減少二氧化碳排放。 豆奶係眾多植物奶中最多人認識，其清甜與大部份材料都好Match，仲比牛奶有更多好處！平時Order嘢飲都不妨轉飲豆奶沖調嘅飲品，而且維他奶 x Green Common 「SOY GOOD SOY YUMMY」系列飲品杯杯都靚到不得了，仲要好味又健康，你仲唔快啲約定屋企人朋友一齊邊飲邊打卡？

Photo from Vitasoy

*每100毫升計算，維他奶專業沖調⽤用豆奶含42千卡，⽜奶含有70千卡 (Australian food composition database, AFCD-1)

Vitasoy x Green Common-Soy Good Soy Yummy系列
推出日期：即日起至8月31日

開心果豆奶奶昔
價錢：HK$56（購買指定美食+HK$28換購)
售賣地點：上環南豐分店限定

黑糖抹茶豆奶
價錢：HK$48（購買指定美食+HK$28換購)
售賣地點：全線分店有售，中環置地歷山除外

雪泡玫瑰有機伯爵奶茶 （不設凍飲）
價錢：HK$38（購買指定美食+HK$28換購)
售賣地點：全線分店有售

Green Common 分店地址：http://bit.ly/gcshoplocator

Presented By Vitasoy