Do姐大讚陸永嘅「特別的攝影技巧」 Focus放喺後面:原來我呢世人都唔識影相!

Do姐大讚陸永嘅「特別的攝影技巧」 Focus放喺後面:原來我呢世人都唔識影相!

生活熱話 娛樂新聞
ByJennifer on 06 Jun 2019 Digital Editor

鄭裕玲(Do姐)早前去咗英國睇偶像BTS演唱會,原來佢最近正在拍攝《Do姐晚間看地球》,要去幾個國家。

同行嘅仲有好拍檔農夫,而Do姐都不時分享兩位好拍檔嘅趣事。

好似之前就post過c君同陸永喺飛機上面睇書嘅相,留言話:「兩位其實很好學,在機上不斷看電子書,但內容是甚麼我就唔知喇!」

Do姐IG
Photo from Do姐IG

Do姐IG
Photo from Do姐IG

難得去外國工作,梗係要影返幾張相喇!Do姐都唔例外,而佢就搵咗陸永幫手影相。

Do姐話:「#do姐晚間看地球 會去幾個國家拍攝,我想影多D靚相同大家分享,但因本人攝影技術有限,好彩同行有學過攝影的 @6wing_fama」

Do姐IG
Photo from Do姐IG

Do姐IG
Photo from Do姐IG

睇相見陸永好似非常專業,對攝影應該幾有研究。

Do姐更潛心向學:「我請求陸大師指點,陸大師也悉心教導,循循善誘。最後那張照片便是陸大師的作品。」

廣告
廣告

Do姐IG
Photo from Do姐IG

陸永又好有耐性咁「指點」Do姐,場面好溫馨和諧,令人非常期待陸大師嘅作品。

不過說話要聽到最後先知係咩意思,最後嗰張「陸大師作品」好特別,Do姐個樣完全睇唔清,後面條橋就好清楚喇!充滿藝術感!

Do姐IG
Photo from Do姐IG

連Do姐都話:「原來我呢世人都唔識影相!Focus 是要放在後面的,這樣相中人才有朦朧美!」大師果然係大師,佢嘅攝影技巧真係唔係咁易掌握到!

陸大師「獨特」嘅攝影技巧連Do姐都甘拜下風:「此種攝影方式相當難掌握,本人正在努力學習中!在此多謝陸大師賜教!」

黃翠如同Ali都分別留言:「好叻👏🏻👏🏻👏🏻」同「朦朧美😂」大家都畀陸大師高超嘅攝影技術折服了~

Do姐IG
Photo from Do姐IG

下面仲有唔少網民留言話估到個開頭,估唔到個結局!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook