必Save落清單!3個東京鐵塔超靚影相位:超私藏精選打卡點分享!!

必Save落清單!3個東京鐵塔超靚影相位:超私藏精選打卡點分享!!

ByIsabella on 18 Jun 2019 Editor

作為東京最具標誌性建築物之一嘅東京鐵塔,相信係大家去東京必到嘅朝聖、打卡點!但到底邊個角度先可以影到東京鐵塔最靚嘅一面?一齊嚟睇下小編私藏嘅3個必到打卡點啦!!

Shutterstock
Photo from PressLogic

打卡點嘅位置都係喺東京鐵塔附近,基本上步行就可以到達。更重要嘅係:呢3個位置影出嚟嘅相,係完全唔同風貌嘅東京鐵塔!

歐奇羅賓的攝影漫步 @ Blog
Photo from 歐奇羅賓的攝影漫步 @ Blog 授權使用

1)東京鐵塔地下停車場出入口樓梯

距離東京鐵塔只有3分鐘路程嘅停車場出入口樓梯,係日本人私藏嘅絕密打卡點!只要打開 Google 地圖,輸入「東京タワー地下駐車場階段」,地圖就會顯示呢個絕密拍攝位置。

歐奇羅賓的攝影漫步 @ Blog
Photo from 歐奇羅賓的攝影漫步 @ Blog 授權使用

充滿延伸感嘅樓梯,加埋高聳的東京鐵塔,影出嚟特別有Feel之餘,呢度嘅人流仲相對較少!

歐奇羅賓的攝影漫步 @ Blog
Photo from 歐奇羅賓的攝影漫步 @ Blog 授權使用

又或者運用高低落差,影出東京鐵塔同人物剪影,都係另一種打卡方法!

歐奇羅賓的攝影漫步 @ Blog
Photo from 歐奇羅賓的攝影漫步 @ Blog 授權使用

但由於係地下停車場出入口,所以呢區係禁止使用腳架!影相嘅時候亦要注意唔好影響到行人,要優先禮讓行人使用通道。

 

2)增上寺

廣告
廣告

位於港區芝公園內嘅增上寺,係另一個最佳拍攝東京鐵塔嘅好地方!因為呢度可以影到筆直向前嘅車道,同兩旁嘅綠樹林蔭~無論係日頭定夜晚嚟,景色一樣都係咁迷人!

Shutterstock
Photo from PressLogic

雖然呢個拍攝點只有少量車會經過,但影相嘅時候都要注意安全!唔好亂咁走出馬路口啊!

歐奇羅賓的攝影漫步 @ Blog
Photo from 歐奇羅賓的攝影漫步 @ Blog 授權使用

 

3)東京鐵塔車軌夜景

如果想影東京鐵塔夜色繁華一面嘅話,位於赤羽橋地鐵站附近嘅呢個馬路分隔島,就係最好嘅選擇!分隔島寬度約兩公尺,要上腳架絕對沒問題,只係汽車會喺兩側一直經過。東京鐵塔喺畫面嘅正前方,搭配兩旁嘅車軌,唔單止可以影哂成個鐵塔,仲盡顯東京繁華鬧市嘅一面!

Shutterstock
Photo from PressLogic

睇完呢3個私藏嘅必到打卡點,係咪即刻有種想飛到東京嘅感覺呢~下次去日本,記得試下去呢幾個地方,發掘不一樣的東京啦!

 

圖片來源:Or Travel x 歐奇羅賓的攝影漫步 授權使用

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook