5套邪不能勝正劇！套套都睇到大快人心！

1. 大時代

Photo from IIMDb

呢套1992播出嘅神劇，喺2015重播後，再次掀起追劇熱潮！劇中主要分開兩派，劉青雲飾演嘅方展博VS鄭少秋飾演嘅丁蟹。丁蟹嘅做人處事好唔討好，唔會聽人講野，而且自私霸道，成日將自己嘅想法強加喺人地身上，仲自覺大義凜然；而方展博一家就一直被丁蟹迫害。

Photo from 大時代

方展博決心報仇，最終喺「大奇蹟日」成功報仇雪恨，丁蟹一家由身家50億變成負債100億。丁蟹最後仲將佢嗰四個仔逐個擲落街，十分狠心。

Photo from 大時代

呢套真係「邪不能勝正劇」嘅表表者，雖然劇中唔少好人都被丁蟹害死，例如劉松仁演飾嘅方進新同藍潔瑛飾演嘅羅慧玲，但最終嘅勝利令人大快人心。

Photo from 大時代

Photo from 大時代

2. 半澤直樹

Photo from IIMDb

呢套劇作為「邪不能勝正劇」嘅日本代表當然唔少得一啲大快人心嘅場面。

呢套嘅正義代表係堺雅人飾演嘅半澤直樹，佢係一個喺泡沫時期入行嘅銀行員。半澤直樹每次面對銀行內外嘅對手都會沉住氣戰鬥，解決難關，最終升上次長一職。

半澤直樹號金句：「以牙還牙，加倍奉還」至今仍非常啱用！

3. 溏心風暴、溏心風暴之家好月圓

Photo from IIMDb

呢套關於爭家產嘅經典神劇，由李司棋、關菊英、米雪同夏雨主演。第一季係李司棋VS關菊英，第二季係李司棋VS米雪，兩季大家都因為爭產，鬥到你死我活。

Photo from IIMDb

劇中唔少金句到而家都仲有唔少人講緊，例如「呢度唔係法庭，唔需要證據，我對眼就係證據！」、「未登天子位，先置殺人刀。」、「邊個係人，邊個係鬼，我一眼睇得岀！」用嚟鬧人好有霸氣！

最後大房一家齊齊整整打贏米雪，米雪就坐咗監。

4. 大長今

《大長今》就係「邪不能勝正劇」嘅韓劇代表，李英愛飾演嘅徐長今勇敢、善良、永不放棄。但佢嘅善良令佢屢次遭人背叛、陷害。

Photo from IIMDb

劇中嘅反派崔尚宮、阿烈、令路、今英，聽到呢幾個大奸角嘅名，就算你唔記得佢對長今做過咩事，都會憎佢憎到咬牙切齒。

Photo from IIMDb

長今被奸人所害，被流放到濟洲，但佢冇放棄，努力成為醫女，最終佢成為「大長今」。

Photo from IIMDb

5. 包青天

Photo from IIMDb

《包青年》無論係邊一季或者邊一個系列都係咁正氣，只要有罪惡嘅地方，就有包青天。

睇住佢每件案都可以搵到個犯人，還好人一個公道，真係好爽！而家見到啲「惡人」，就好想講一句「狗頭鍘伺候！」

Photo from IIMDb

佢嘅主題曲都好經典！「開封有個包青天～」

大家仲有冇咩「邪不能勝正劇」推介？

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）