「雷神」變豬隊友！Chris Hemsworth暫別荷里活前嘅作品 《黑超特警組 : 反轉世界》能夠勝過前作嗎？

隨住《復仇者聯盟4》上映後，「雷神」Chris Hemsworth宣佈暫別荷里活，想多啲時間陪屋企人，而暫別前嘅最後一部作品就係《黑超特警組 : 反轉世界》，不過上映後，反應無預期中咁熱烈，點解？

特務M(泰莎湯遜 飾)細個因為有外星人造訪屋企，意外地無被MIB消除記憶，令佢執著要搵出MIB（黑超特警組），並且加入，之後又真係畀佢加入到，夥拍經驗老到嘅特務H(基斯咸士禾夫 飾) 查明刺殺外星人皇室嘅真兇，但發現MIB有內鬼。

Photo from Sony Pictures

其實《黑超特警組 : 反轉世界》雖然有「雷神」Chris Hemsworth加持，而佢同「女武神」Tessa Thompson嘅表現不錯，只係舊作珠玉在前，而且情節略嫌公式化。

不過不得不提估唔到「雷神」特務H會係入面做「豬隊友」比較多，情節上幾多佢嘅蝦碌情況，雖然搞笑又發揮一貫型男本色，但角色設定佢係個能幹但自大嘅特務，但劇情中只係見到佢多次拖後腳，而且好易忽略重要事情，真係變成名符其實嘅「豬隊友」。

Photo from Sony Pictures

反而「女武神」Tessa Thompson喺戲入面係最醒嘅一個，成日發揮急才，諗到好多臨急解決方法，而佢同一眾外星人嘅互動都好有趣，而外星人嘅造型都好得意。

Photo from Sony Pictures

劇情嚟講就有少少公式化，同埋略過咗MIB受訓嘅情節，特務M好似好輕易就加入咗MIB，加入無耐又好快接到重要任務，有少少唔合理。到最後揭曉內鬼係邊個，都未到好驚喜。

Photo from Sony Pictures

不過入面係有少量彩蛋，好似特務H有一幕拎起鎚仔，全場嘅觀眾都即刻get到笑點，仲有總部見到特務J同特務K以前戰鬥嘅畫等。《黑超特警組 : 反轉世界》未必可以滿足到一眾舊作fans，不過趣味性係足夠～放假無嘢食，不妨去睇睇。

Photo from Sony Pictures

Photo from Sony Pictures

而家仲有埋《黑超特警組 : 反轉世界》Whatsticker有得down嚟用添。

?「雷神」Chris Hemsworth宣佈暫別演藝圈：今年可能不會再拍任何電影

?雷神蜘蛛俠同時現身印尼 劇透王蜘蛛俠又劇透《蜘蛛俠：決戰千里》劇情

?《阿拉丁》加插原著無嘅情節！茉莉公主同Will Smith演嘅燈神勁搶鏡

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）