還原真面目！Adobe推新功能 神還原P圖 「騙圖」無所遁形！

依家有好多App可以幫大家「執走瑕疵」，「點一點」、「畫一畫」，小咪咪嘅眼睛都變成圓滾滾嘅大眼睛；黑黝又帶點粗獷嘅身形，瞬間又變成白白滑滑嘅苗條美女！換句話說，「有咗呢啲修圖App，豬扒都可以變女神」。

Photo from 抖音

曾經有直播緊嘅主播，唔小心㩒錯制，熄咗「女神濾鏡」，嚇到一班男觀眾跌坐喺地上，熄都熄唔切啊；亦有人利用P圖去識朋友，約到出嚟先發現「貨不對辦」，走夾唔唞～

Photo from 劉寶寶微博

有見及此，Adobe為咗堵塞呢個漏洞，唔畀P圖再害人！佢哋同加州大學伯克利分校共同開發一套新軟件，利用 AI 偵測到張相邊個位置曾經被人修改過～唔止啊， 佢仲會建議將張相還原到「最初的起點」。冇啦冇啦～「騙圖」無所遁形啦！

Photo from 抖音

Photo from Adobe

不過，呢個「還原」功能只適用喺Photoshop P過嘅圖，用其他App修嘅圖暫時唔受影響！相信功能進化到每張相都還原都嘅時候，將會成為KOL剋星！

Photo from 抖音

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）