好想要三眼仔夾公仔機！便利店推20款反斗奇兵精品胡迪/巴斯公仔腳下仲有Andy個名座枱鬧鐘好靚

Deputy Managing Editor

就嚟《反斗奇兵4》上映，便利店即將分階段推出一系列反斗奇兵精品，反斗奇兵公仔連環保袋、夾公仔機、反斗奇兵趣味小盆栽及陶瓷杯、移動電源連鏡、反斗奇兵水壺連杯套裝、座枱鬧鐘。

要注意今次精品係分階段推出，如果有想要買嘅精品，就記得mark住日期！

6月26日會開始第一浪，首先會係公仔連環保袋及夾公仔機，夾公仔機係呢set系列最注目嘅商品，像真度幾高，又係入玩具幣，先可以開始夾，而超時仲要補幣，幾搞笑～

Photo from PressLogic

而公仔連環保袋就有巴斯光年、胡迪、三眼仔、勞蘇及全新角色小叉，一共5款角色，巴斯同胡迪隻腳仲有Andy個名添！

Photo from PressLogic

公仔連環保袋換購／發售詳情：
由2019年6月26日早上7時起至7月23日，於7-Eleven分店#購物每滿$20^，加$99即可換購公仔連環保袋一款，或以建議零售價$199直接購買。數量有限，換／售完即止。

最注目嘅一定係三眼仔迷你夾公仔，真係幾得意，夾公仔機亦附有1條USB充電線，可連接電腦、手機充電器，亦可單獨使用電池，方便易用。

Photo from PressLogic

三眼仔夾公仔機換購／發售詳情：
由2019年6月26日早上7時起至7月23日，於7-Eleven分店#購物每滿$20^，加$299即可換購三眼仔夾公仔機一部，或以建議零售價$499直接購買。如分店缺貨，可於7月7日或之前接受訂貨。

第二浪獨家產品將於7月3日起登場－趣味小盆栽及陶瓷杯、移動電源連鏡。而反斗奇兵角色－巴斯光年、胡迪及勞蘇，組成一共3款趣味小盆栽及陶瓷杯。

Photo from 7－11

由2019年7月3日早上7時起至7月23日，於7-Eleven分店#購物每滿$20^，加$169即可換購趣味小盆栽及陶瓷杯一款，或以建議零售價$299直接購買。數量有限，換／售完即止。

移動電源連鏡以反斗奇兵角色標誌為設計，共有6款，包括巴斯光年、胡迪、胡迪與小叉、三眼仔、小奶油及反斗奇兵家族。只要打開移動電源的蓋子，隨即變成一個鏡盒，一物二用。而每款均設有LED指示燈，就可以知道充電器剩餘電量。充電器附送一條USB充電線～

Photo from PressLogic

由2019年7月3日早上7時起至7月23日，於7-Eleven分店#購物每滿$20^，以換購價$99即可換購移動電源連鏡一款，或以建議零售價$199直接購買。數量有限，換／售完即止。

將於7月10日起為大家呈獻最後一浪產品－水壺連杯套裝及座枱鬧鐘。座枱鬧鐘都幾精美，有胡迪、三眼仔及牧羊女「寶貝」3款，採用透明設計並印上角色圖案。

Photo from PressLogic

座枱鬧鐘換購／發售詳情：
由2019年7月10日早上7時起至7月23日，於7-Eleven分店#購物每滿$20^，以換購價$99即可換購座枱鬧鐘一款，或以建議零售價$169直接購買。數量有限，換／售完即止。

藍色水壺連杯套裝的水杯印有可愛動畫角色及其名稱，包括胡迪、三眼仔、泡泡龍、牧羊女「寶貝」、羊及反斗奇兵４全新角色小叉、阿得和賓尼。而黃色水壺連杯套裝的水杯分別印上巴斯光年、胡迪、三眼仔、紅心及泡泡龍。

Photo from PressLogic

水壺連杯套裝換購／發售詳情：
由2019年7月10日早上7時起至7月23日，於7-Eleven分店#購物每滿$20^，以換購價$99即可換購水壺連杯套裝一套，或以建議零售價$159直接購買。數量有限，換／售完即止。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

好想要三眼仔夾公仔機！便利店推20款反斗奇兵精品 胡迪/巴斯公仔腳下仲有Andy個名 座枱鬧鐘好靚