【再見亦是朋友】湯洛雯羅天宇拍《三日兩夜》仍然曖昧？大方互動勁有默契

分咗手仲可以做好朋友唔係呃人㗎！有板你睇，螢幕情侶羅天宇湯洛雯分手之後仍然大方互動。

佢哋拍《愛回家》時已開始傳緋聞，及後喺羅天宇30歲生日會上正式公開，戀情維持4年後分手，當時好多人都覺得好可惜。

不過分手之後佢哋仍然互動自然，感覺係「再見亦是朋友」～

好似喺中華小姐競選上兩人就大方合照，好友朱千雪仲大讚佢哋好襯，而靚湯亦大方回應：「唔襯都唔會一齊4年咁耐啦！」

Photo from TVB

事實上佢哋分手之後仲有like對方IG，而靚湯仲照樣出席羅天宇生日會！

Photo from 羅天宇IG

佢哋仲一齊出trip拍《三日兩夜》添！當時靚湯話：「我哋呢個組合先至冇嘢呀，過晒啲聯想位啦。」仲話如果有咩關係，就唔會嚟呢個trip啦～

Photo from TVB

節目喺上星期播出，佢哋默契依舊，不時互窒，但羅天宇都好紳士咁幫湯洛雯拎行李。當羅天宇話要同男工作人員同房，靚湯秒回：「咁你想唔想同我一間房啊？」

Photo from TVB

佢哋亦不避嫌喺IG post相為節目宣傳，羅天宇忍唔住留言：「下次影相可唔可以夾一夾」靚湯即刻答：「唔可以」friend到爆！

Photo from 湯洛雯IG

Photo from 湯洛雯IG

而佢哋自然有默契嘅相處模式都令唔少網民叫佢哋復合，分咗手真係可以做返朋友㗎！

佢哋講返自己點解會參選港姐港男嘅真情對話，果然好了解對方！

?朱千雪大讚昔日情侶羅天宇湯洛雯仍匹配 湯洛雯反應超快：唔襯都唔會一齊4年啦！

?湯洛雯落實頂替黃心穎 重拍《法證先鋒IV》

?【宣布分手一年】湯洛雯羅天宇一齊去挪威 完全唔尷尬！強調：明顯係好朋友關係

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）