《愛回家之開心速遞》歐陽波比與群姐三生情緣 編劇超用心寫劇本！

大家等咗好耐有真．歐陽波比出演嘅《愛回家之開心速遞》，琴日終於播出喇！

劇情講到群姐因為日日發夢夢見歐陽波比跌落崖而心神不寧，去睇孟婆先知原來佢哋有三世情緣！

Photo from tvb

第一世歐陽波比係四大才子之一嘅祝枝山，而伊莎貝拉．群就係花魁。

Photo from tvb

呢度啲名全部都好搞笑，首先係花魁群姐所在嘅怡紅院個名叫「蜜娛院」，諧音「墨魚丸」，而競爭對手就叫「知心院」（芝心丸）～

Photo from tvb

Photo from tvb

仲有其他姊妹，分別有「長腳蟹」阿水，佢個名竟然係「蟹柳兒」；David仲勁，係嚟自羅宋國嘅「羅宋湯盈盈」；再加埋大小姐。

Photo from tvb

Photo from tvb

Photo from tvb

其他客人都唔輸蝕，有嚟自「漕運界嘅吟根」！而歐陽波比就成功奪得群姐芳心，為佢贖身，同佢成親。

Photo from tvb

不過可惜最後歐陽波比誤食群姐買嘅老鼠藥中毒而死。

Photo from tvb

Photo from tvb

第二世，歐陽波比同群姐化身梁山伯與祝英台，大小姐就做咗群姐個丫鬟。

Photo from tvb

Photo from tvb

而梁山伯同祝英台所讀嘅書院，老師係譚道德～

呢一世仲未完㗎！今晚嗰集歐陽波比同群姐嘅三世緣仍然繼續。

睇得出編劇寫劇本好用心，唔止串連Bobby主演嘅劇集《金裝四大才子》同《情逆三世緣》。

諗人物名嗰啲都好認真，仲加咗啲笑位，例如喺大小姐叫Terry帶群姐睇心理醫生證明佢有精神問題，群姐即刻反駁：「如果我發夢夢見鄭嘉穎call我啊就話姐。」

Photo from tvb

呢度就用咗鄭嘉穎經典廣告台詞「call我啊！」，群姐連語氣都扮埋，令人即刻get到。

劇組上下都超用心，唔止劇本寫得好，演員又發揮得好，睇嚟呢兩集都會成為經典！

?【集氣成功】歐陽波比終於客串《愛回家》！以祝枝山造型登場 穿越時空與群姐相見～

?《愛回家之開心速遞》輕鬆減壓劇情！Jenny變King Kong？細龍生變金毛獅王！

?愛回家獲允許「添食」 望破最長命處境劇《真情》劉愷威或會「重出江湖」！