【宋仲基宋慧喬離婚】宋慧喬發聲明指夫妻二人因性格不合而分開 宋仲基曾表示結婚後令自己更有安全感

【宋仲基宋慧喬離婚】宋慧喬發聲明指夫妻二人因性格不合而分開 宋仲基曾表示結婚後令自己更有安全感

社會熱話 生活熱話 娛樂諸事丁
ByJenniferon27 Jun 2019Digital Editor

今日宋仲基宋慧喬呢對金童玉女宣布離婚,震驚全亞洲,佢哋因合作《太陽的後裔》而結緣,估唔到婚姻僅維繫兩年。

當時《太陽的後裔》熱播,宋仲基宋慧喬亦成為唔少觀眾心目中嘅最佳螢幕情侶,之後兩人宣布結婚更轟動全亞洲,完咗好多CP飯嘅心願。

《太陽的後裔》
Photo from 《太陽的後裔》

《太陽的後裔》
Photo from 《太陽的後裔》

婚後宋仲基亦不時公開晒恩愛,不過之前就有傳佢哋嘅婚姻亮紅燈,但其後雙方經紀公司都出面否認。

Blossom娛樂
Photo from Blossom娛樂

宋仲基今日發聲明指佢正向法院提交離婚調解申請,更表示佢同宋慧喬都希望圓滿完成離婚程序,而唔係互相指責。

Blossom娛樂
Photo from Blossom娛樂

而宋慧喬經紀公司稍後亦都發聲明指佢哋離婚原因係由於二人嘅性格差異,佢哋因為未能克服彼此嘅不同而作出離婚決定。

宋慧喬 IG
Photo from 宋慧喬 IG

同時雙方經紀公司都表示由於係演員嘅私生活,所以唔希望有過多猜測。

離婚消息非常突然,雖然之前就傳過佢哋嘅婚姻出現問題,但無幾耐前宋仲基仍喺公開場合晒恩愛。

章子怡微博
Photo from 章子怡微博

《太陽的後裔》
Photo from 《太陽的後裔》

上月尾,宋仲基出席《阿斯達年代記》記者會就公開放閃,表示結婚後並未對演戲有咩影響,反而令自己更安心。

《阿斯達年代記》
Photo from 《阿斯達年代記》

同時亦表示老婆宋慧喬係編劇嘅fans,不斷為佢加油,仲特別交代他要集中精神演到最後。

估唔到僅一個月後佢哋就宣布離婚。

👉暖男代表~宋仲基10月31日結婚啦!可惜新娘不是我~

👉【長頸鹿戀愛了】Running Man MC李光洙承認與演員李先彬拍拖5個月

👉呂慧儀半夜宣布與黃文迪離婚 稱不涉第三者 離婚伏線IG有跡可尋!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook