《屍殺列車》續集正式開拍 型男姜棟元/《素媛》小女主加盟 更多人性刻畫

《屍殺列車》續集正式開拍 型男姜棟元/《素媛》小女主加盟 更多人性刻畫

電影電視 生活熱話
ByJenniferon03 Jul 2019Digital Editor

《屍殺列車》上映後唔止喺韓國本土有好好嘅成績,甚至喺全亞洲票房都相當賣座,而上年導演就證實會拍續集。

續集終於喺上個月24號開拍,完整演員名單同首張海報都正式曝光。

上集講到韓國爆發喪屍病毒,男主角孔劉同女兒喺前往釜山嘅列車上遭受喪屍襲擊而要逃亡。

《屍殺列車》
Photo from 《屍殺列車》

不過上集兩位男主角孔劉同馬東錫都已經犧牲,所以今集並唔會出演,而係由型男姜棟元擔任男主角。

《屍殺列車》
Photo from 《屍殺列車》

《屍殺列車》續集名叫《半島(반도)》,背景設定為《屍殺列車》喪屍病毒爆發4年之後,講述韓國受喪屍病毒侵襲,國家停止運作,已變成廢墟。而境內倖存嘅人類想盡辦法拼命逃離。

喺主演方面,男主角姜棟元飾演回到已受喪屍病毒濃罩而變成人間煉獄嘅朝鮮半島,同喪屍決一死戰嘅「鄭錫」;女主角李貞賢就飾演喺島上帶領倖存人類避過喪屍攻擊嘅「敏貞」。

Printerest
Photo from Printerest

其他主角仲有喺《素媛》嘅小女主李蕊,佢今年已經13歲;出演韓劇《請輸入檢索詞WWW》嘅權海驍,佢哋都係喺充滿喪屍嘅半島上嘅倖存人類,仲有金敏載、具高煥等。

《素媛》
Photo from 《素媛》

而首張海報都已經公開,海報中見到周圍都係壞咗嘅船同車,加上黑暗嘅色調,營造出人間煉獄嘅情景,而廢墟中有4個人影,睇落非常孤獨。

Naver Movie
Photo from Naver Movie

雖然《半島(반도)》已經喺6月24號開機,但暫時仍未公布幾時會上映。

👉消暑好去處!韓國遊樂場暑假限定納涼活動喪屍慶典「恐怖冒險:殭屍大逃亡2019」 鬼屋/巡遊/水槍大戰

👉拍完鬼修女拍喪屍?《詭修女》監製溫子仁將開拍荷李活版《屍殺列車》!

👉《生化危機2》聯乘化妝品牌推出喪屍化妝套裝 荷李活專業化妝品+限量版海報+說明書+教學短片

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook