打卡必去!全港首個大自然主題光影館 4大主題感受大自然奧妙!

打卡必去!全港首個大自然主題光影館 4大主題感受大自然奧妙!

香港美食 香港玩樂 社會熱話 限定展覽
ByIvoryon15 Jul 2019Digital Editor

每到假期,「去邊到玩」就成為大家嘅煩惱。想遠離煩囂、想感受大自然,又想打卡?有個地方可以一次過滿足你咁多個願望!鄰近大海嘅挪亞方舟新設全港第一個以大自然為主題個光影互動展館,畀大家深入海洋、同「動物」玩遊戲、感受春夏秋冬以及窺探未來!

挪亞方舟
Photo from 挪亞方舟

一次感受四季 捕捉珍貴景色
第一站嚟到「千色四季」,我哋透過光影呈現出地球難得一見嘅自然景象同埋獨特嘅地理景觀。「千色四季」利用巨型屏幕投射流水瀑布,佢好似喺你前面傾瀉落嚟,感受佢嘅氣勢磅礡;你可以睇到漫天紅葉紛飛,非常浪漫;仲有滿佈螢火蟲嘅夜空,喺漆黑中閃閃發光;有人話無論如何都要睇一次嘅北極光,喺呢個「千色四季」展區都睇得到。透過你雙眼,遊歷大自然;用心感受呢個珍貴嘅自然景色。見到咁靚嘅大自然,唔好保留,盡情用你嘅相機/手機將佢哋統統拍低,留下與大自然互動嘅歡樂時光。

挪亞方舟
Photo from 挪亞方舟

挪亞方舟
Photo from 挪亞方舟

踏入動物世界 守護其居住地
走入動物王國,踏進漆黑嘅一片荒土,你首先會感受到被人類嚴重破壞嘅自然環境。不過隨住你嘅步伐,屏幕上嘅影像會慢慢改變,意味住你願意為保護環境邁出一大步。正因為你願意保護環境,動物們先可以避免面臨滅絕嘅境況,逐漸變成動物世界。你可以喺呢個「躍動之森」展區同動物玩遊戲,只要你揮揮手、掂吓個Mon等,啲動物就會跟住你個動作跑、搖頭~呢個世界嘅動物彷彿都成為咗你嘅好朋友,願意與你付託真心。

挪亞方舟
Photo from 挪亞方舟

探索海洋奧秘 投入大海懷抱
感受完春夏秋冬、同動物玩完遊戲,就潛入海洋,享受被海洋擁抱嘅治癒感、拋開俗世煩惱!
場內嘅牆同地下都投影住蔚藍嘅海洋,令你好似置身喺深海之中。然後戴上3D眼鏡,近距離欣賞海底世界,靜觀海洋動物自由自在,無憂無慮咁喺大海暢遊,欣賞佢哋游泳嘅美態。同時,希望你能夠為咗我哋嘅未來能夠繼續享受呢片無邊無際嘅大海,就請大家從依家開始好好保護佢!

挪亞方舟
Photo from 挪亞方舟

探視高科技未來 打造夢想星球
我哋活在當下嘅同時,亦能夠憧憬未來。喺挪亞方舟呢度,你可以探視擁有高科技嘅未來世界,就好似《銀河守護隊》入面嘅星球,利用各種高科技產品,令生活從此變得便利~你哋可以喺「未來世界」展區畫出自己理想城市嘅模樣。畫完之後,掃瞄一下作品,你嘅理想城市就會馬上以動畫形式,出現喺數碼屏幕上面~你可以同你嘅理想城市互動,輕輕掂住屏幕上嘅飛機汽車,佢哋會郁得更快,親手打造你嘅夢想星球!

挪亞方舟
Photo from 挪亞方舟


除咗可以同自己嘅理想生活地方互動之外,你仲可以將你嘅夢想星球印喺展區提供嘅𠱸上面,令你即使返到屋企都仍然可以擁抱自己憧憬嘅未來!

挪亞方舟
Photo from 挪亞方舟

化身森林保育員、海洋探索家
大人細路打完卡,小朋友仲可以參加「快樂夢想特工隊」,一嚐做夢想志願嘅滋味,好似消防員、飛機師、牙醫、廚師、營養師等,喺挪亞方舟就可以一次過滿足呢啲願望!

挪亞方舟
Photo from 挪亞方舟

挪亞方舟
Photo from 挪亞方舟

挪亞方舟
Photo from 挪亞方舟

挪亞方舟
Photo from 挪亞方舟

挪亞方舟嘅光影世界有齊森林同海洋、感受春夏秋冬,仲可以探索未來世界!一次過可以體驗大自然生態嘅獨特之美,又有得打卡,又有得玩!快啲趁假期同朋友一齊嚟挪亞方舟「親親大自然」啦!

e-Planet夢想星球/ 快樂夢想特工隊
活動地點:挪亞方舟
地址:新界馬灣珀欣路33號2樓
開放時間:上午 10 時至下午 6 時 (e-Planet夢想星球:星期一至日;快樂夢想特工隊:2019713日至91日逢星期六及日)
票價:成人 HK$198,小童及長者 HK$158 (門票已包括參觀「e-Planet 夢想星球」/ 購買小童門票可參加「快樂夢想特工隊」)
現凡於官網購票,即可優先預約2項活動,包括e-Planet 夢想星球及「快樂夢想特工隊」
查詢電話:3411 8888
網站:http://www.noahsark.com.hk

Presented by: Noah's Ark

Share to Facebook