揭內地貓貓繁殖場真面目 衛生環境極惡劣 食物滿佈蛆蟲 貓貓絕望眼神令人極心痛

近日內地一名愛貓人士撰文，揭露內地貓貓繁殖場嘅殘酷真面目。作者嘅一名朋友潛入貓隻繁殖場，發現內部環境極為惡劣，成個繁殖場都彌漫住腐爛惡臭嘅味道，生活喺籠入面嘅貓貓眼神絕望，令人十分心痛！

Photo from 貓公子＠微信

呢個繁殖場位於鄉下，內有50隻唔同品種嘅貓貓，仲有幾隻狗狗，但冇一隻貓狗係完全健康、活潑嘅。

Photo from 貓公子＠微信

好多貓貓嘅眼睛都明顯發炎、佢地連眼都掙唔開。佢地嘅毛上面都黐住唔少排泄物、灰塵、污垢，應該好耐都冇沖涼。

Photo from 貓公子＠微信

Photo from 貓公子＠微信

佢地居住嘅環境亦十分惡劣，鐵籠上佈滿蜘蛛網、貓毛。貓砂盆上面嘅排泄物長年累月咁堆積、冇人清理過，引嚟大批烏蠅。

Photo from 貓公子＠微信

Photo from 貓公子＠微信

居住環境都咁惡劣，更何況係食物、食水？食水入面有不少雜質、且呈黃啡色。

Photo from 貓公子＠微信

食物係喺屠宰場用幾蚊買返嚟嘅雞腸，呢啲雞腸冇好好儲存，喺咁炎熱嘅天氣下，呢啲雞腸其實一早變壞、發臭、甚至滋生咗唔少蛆蟲。

Photo from 貓公子＠微信

Photo from 貓公子＠微信

原本呢個繁殖場係繁殖狗狗嘅，但近期貓貓銷售比較好，所以繁殖場就改繁殖貓貓。繁殖場淨低嘅幾隻狗狗，生活一樣咁差。佢地被困喺細小嘅鐵籠入面，連轉身嘅空間都冇。

Photo from 貓公子＠微信

作者強烈譴責呢個無良繁殖場，佢認為喺內地呢啲繁殖場一定唔止呢個，仲有好多大大細細嘅地獄繁殖場。

Photo from 貓公子＠微信

為咗賺取暴利，無良商人呢啲暴行令人髮指！鍾意乾淨嘅貓貓被困喺衛生環境惡劣嘅繁殖場；天性活潑狗狗被困喺窄小嘅籠入面，佢地絕望嘅眼神都令人好心痛。

Photo from 貓公子＠微信

為咗避免呢啲無良繁殖場，大家可以以領養代替購買，或以正規途徑購買貓隻，唔好貪平去買來路不明嘅貓貓。

Photo from 貓公子＠微信

資料、圖片來源：貓公子＠微信

? 日本貓貓委屈樣惹人憐愛 憂鬱小表情好似減肥要節食嘅你！

? 政府擬修例嚴懲虐畜人士 最高可監禁10年+終生不可飼養動物

? 鳥媽媽誤餵鳥BB煙頭 攝影師呼籲：「不要再把煙頭亂拋在沙灘 」

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）