事隔10年森美重提經典「呀希事件」 要多謝佢！瓣瓣掂森美仲做埋作家！

森美多才多藝，唔單止係一位資深DJ、仲做埋作家、主持添！

要講森美嘅DJ經典事，一定提到「呀希事件」。數數手指，原來呢個故事都已經係10年前，中間曾經有啲「勁過呀希」嘅故事，仲其實都唔夠呢個故事經典，因為連一向轉數快嘅森美都被呢個故事嚇到口窒窒。佢「驚訝」嘅反應，每次睇都覺得好好笑。

Photo from 森美IG

事隔10年，森美解釋其實當年唔係「驚訝」，而係驚搞錯咗，驚接聽電話嗰個唔係呀希！而且森美話自己身邊都有好多同性戀朋友，所以其實唔出奇。不過佢嘅反應實在太真實、太好笑，所以每隔一排，又會有網民拎出嚟講。連森美都話：「呢件事成為咗佢近年電台節目嘅經典，要多謝呀希～」

Photo from 森美IG

問到如果俾森美係小儀同麥美恩之間揀一個嚟打，森美就大笑咗，話要打小儀，因為「打者愛也」！雖然森美想打小儀，但其實佢兩個真係最佳拍檔嚟！森美表示同小儀一齊做主持一定係最合拍，因為佢地真係拍檔咗好多年，小儀仲令佢時時刻刻都有團「火」～係熱血嘅火定惱火嘅火，就唔知啦～

Photo from 森美IG

除咗DJ森美、主持森美，近排森美仲忙緊做作家，佢最近推出咗兩本新書——《「偷食」最幸福》同埋《兩招脫宅》分別係生活散文集同親子及愛情散集。當中「偷食」呢個話題好敏感，因為點睇都唔係一件啱嘅事，但如果你知道咗朋友嘅另一半偷食，你又會點做呢？森美就選擇咗唔話俾朋友知，佢解釋：「我唔希望由我嚟改變呢個世界」，大家又點睇呢？

Photo from PressLogic

Photo from 森美IG

BTW森美笑聲真係好有魔性！快啲睇完整訪問！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）