《天氣之子》新海誠帶出日本社會對年青人困境視而不見惟有靠自己守護重要的人與事「不是不害怕，但已經停不下來」

生活熱話電視電影

By Rachel Lo on 12 Aug 2019

Deputy Managing Editor

好多已經睇咗《天氣之子》嘅人都覺得畫面上靚，而內容就好似比起前作《你的名字》《秒速5厘米》情節較單薄，但有啲劇情睇落有少少誇張，但現實真係會因為被迫上絕境而明知以卵擊石，也誓要守護重要嘅人與事。

故事講述高校男生帆高離家出走來到東京，遇到「100％晴天少女」陽菜。兩人都無依無靠，喺貧窮線下掙扎；面對持續落雨嘅東京，帆高靈機一觸，建議同陽菜拍檔做生意，使用佢嘅超能力，收錢為人帶來晴天。

Photo from edko films

但他們漸漸發現透支超能力，是需要賠上代價。

*以下劇透警告*

Photo from edko films

陽菜失去雙親，同細佬相依為命，靠自己賺錢養家。點解唔搵政府幫忙？因為政府程序只會將兩個人送到社福機構，拆散佢地，再各自到唔同嘅地方寄養。如果有真正了解佢地嘅需要，佢地係咪會寧願過住「餐搵餐晏」、節衣縮食嘅生活？

呢個年紀嘅年輕人唔係應該無憂無慮，揮霍自己嘅青春嗎？但佢地卻為咗可以一齊生活，為咗維持生計，想盡辦法苦苦堅持。

Photo from edko films

正正因為知道日本社會對佢地困境視而不見，而出現問題、被發現，就只係識諗點樣快速解決，最簡單直接方法就係將佢地分開咁送去被寄養，原因係年紀尚小嘅細佬容易被領養，而相對中學生嘅陽菜較難被領養，留喺兒童之家會較容易，卻無考慮過陽菜同細佬親人之間嘅牽絆，唔想分開嘅心情。

Photo from edko films

當CCTV顯示帆高持有槍械，並無試圖了解到底係咪一場誤會，就算意識到佢可能只係純粹執到支槍，但都無打算改變方法，只係不斷追捕帆高，甚至粗魯咁要制服佢，唔聽佢嘅解釋。

Photo from edko films

有一幕令人印象深刻，就係當帆高跑到舊樓，刑警為咗制服佢就係咁打佢，唔理帆高講啲咩，只係認為佢胡說八道。帆高拎起支槍，隻手都震埋，但因為在場嘅人都無諗住聽佢講、無人信佢、無人幫佢諗點救返陽菜。儘管用嘅方法笨拙，佢只係想守護重要嘅人。如果大人肯聆聽、肯幫手，帆高就未必會要到拎槍出嚟，唔畀大人阻止佢救陽菜。

Photo from edko films

呢班大人只係相信自己見到嘅片面片段，並無打算伸出援手。

覺得帆高講嘅「晴女」、「活祭」係天方夜譚，同埋只係想制服帆高，捉佢返去。

睇嘅時候或者會覺得劇情好唔現實，點會有警察咁樣對年青人，有咩會迫到年青人不顧被捕、不顧被打、不顧後果都要去守護。而事實上為咗守護重要嘅人與事，就算睇落燈蛾撲火，仍然會拚死守護。

Photo from edko films

因為帆高知道如果佢唔去做，陽菜就會真正咁喺世界消失。無人會去理會，無人會去關注，所以得返佢都要帶陽菜返嚟。

Photo from edko films

帆高同陽菜各自用自己嘅方法，守護重視、重要嘅人同事。

新海誠描繪嘅男女主角選擇以自己嘅方式唔再逃避，面對自己，因此呢次嘅電影理念被視為偏離日本社會主流價值嘅叛逆觀念。

Photo from edko films

新海誠為《天氣之子》作出解說，「《你的名字。》是在2014年的時候開始創作，《天氣之子》則是在2017年。雖然只相隔三年時間，但我也想反映出兩段時間在社會或在生活上的實際差別。舉一個例子，《你的名字。》的主角都是住在很漂亮的家，但今次《天氣之子》的男女主角帆高和陽菜卻身無分文。這設定反映三年間社會已改變了一點，這個大環境也在角色的造型上表現出來。」