許廷鏗發聲：「會很沮喪、會很無奈」認為掌握權力嘅人要懂得負責同承擔事情 簡體字評論：港獨

許廷鏗昨日喺社交平台為近日社會嘅事情發聲，佢話：「小時候認知『正確』的定義 ，由細到大的價值觀，一直以來看到『人性』的定位，好像一下子全都推翻了」。

Photo from 許廷鏗FB

佢仲話最近發生嘅事令佢好沮喪同無奈，認為：「越有能力的就應該越懂得解決與處理問題，掌握權力的就更加要懂得負責與承擔事情。」暗示現時嘅當權者未能承擔責任及解決問題。

Photo from 許廷鏗FB

廷鏗喺Facebook、Instagram同微博都有發表相同嘅相片同內容，但評論同反應都好兩極。喺Facebook同Instagram，絕大多數嘅評論都係感謝廷鏗喺呢個時候都勇於發聲，亦有網民擔心廷鏗呢番言論會令佢遭到滅聲。但有少部分簡體字評論批評許廷鏗係「港獨」。

Photo from 許廷鏗FB

Photo from 許廷鏗IG

喺微博就有網民認為許廷鏗唔應該喺呢個咁敏感嘅時候發聲，認為佢咁樣係支持「暴徒」及「废青」（廢青），仲反指佢睇事情偏頗，只睇單方面嘅事。又有大陸網民指女示威者「受伤也是活该的」（受傷也是活該的）。

Photo from 許廷鏗微博

許廷鏗勇於發聲真係好型～

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）