閨蜜必去:平嘆泰國3日2夜小島遊!每人最平只需$2,490起!

閨蜜必去:平嘆泰國3日2夜小島遊!每人最平只需$2,490起!

旅遊攻略 Hotel酒店推薦
ByIsabella on 23 Aug 2019 Editor

夏天就梗係要去返啲海灘地方渡下假,順便同陽光玩遊戲啦!當中要數香港人最鐘意嘅地方,泰國一定榜上有名呀~除咗距離香港只有約2個半鐘嘅機程,當地得天獨厚嘅天然地理環境亦都係一大賣點!今次就同大家整合咗3個超適合同閨蜜嚟嘅短程小島遊,即刻睇下邊個小島至啱妳哋啦~

 

龜島-潛水愛好者天堂

龜島位於蘇梅島附近,又名「海龜之島」,因為呢度以前係海龜嘅棲息地,所以無論陸地定海上,都可以隨處搵到超靚嘅自然風景!鐘意潛水嘅朋友,一定要嚟感受一下喺大海中,被五顏六色嘅珊瑚礁包圍住嘅感覺,簡直係潛水愛好者嘅天堂呀!

Travel Expert
Photo from Travel Expert

同閨蜜一齊嚟,就梗係要潛一次水先夠過癮啦!想輕鬆啲可以預訂套票,3日2夜嘅行程最平只係$2,590起,除咗包咗2晚酒店住宿連早餐、來回接駁交通外。仲包咗一次 The Beach Club By Haad Tuen 嘅 Scuba Diving 潛水課程,冇潛水牌嘅新手仲可以報初階體驗,由專業教練教授基本潛水技巧。無論妳哋係想享受一次奇妙嘅水底體驗,抑或係想同海龜一齊喺海中暢游,留一個屬於妳哋最難忘嘅回憶都無問題呀!好彩嘅話,仲有機會見到鯨鯊添~~

Travel Expert
Photo from Travel Expert

地址:19/9 Moo3 Koh Tao, Koh Phangan Surat Thani 84360 Thailand
前往方法:由蘇梅島乘渡輪至龜島碼頭,再轉乘接駁車至酒店
價錢:$2,590起-趣味體驗潛水/$2,990起-初階體驗潛水
(價錢為3日2夜:住宿連早餐+接駁交通)

 

瑤諾島-絕世美景打卡點

有「絕世美景」嘅之稱嘅瑤諾島,屬於布吉島外島,擁有最原始嘅自然風景~如果鐘意上山下海嘅朋友,就絕對唔可以錯過啦!因為喺瑤諾島絕有各種唔同嘅體驗同打卡點,帶埋閨蜜嚟,可以一齊潛水、遠足或者攀岩。想靜態少少,亦可以參加單車Tour,一邊踩住單車,一邊欣賞住超靚嘅日落,真係超夢幻!

Travel Expert
Photo from Travel Expert

瑤諾島嘅套票同樣係好抵~單人嘅3日2夜行程只係$2,490起,重點係呢個價錢,已經包咗來回機票、2晚酒店住宿連早餐,就有 Cape Kudu Hotel 嘅 Deluxe嘅房型可以入住,有成45平方米咁大!如果想再嘆啲,就梗係同閨蜜入住Pool Villa,每人都係$3,290起,但房型就升級至62平方米,一出房就有私人泳池可以游水,擁有最私密嘅時光~

Travel Expert
Photo from Travel Expert

地址:Tambon Ko Yao Noi, Chang Wat, Phang Nga, 82160
價錢:$2,490起-Deluxe 房型/$3,290起-Pool Villa 房型
(價錢為3日2夜:來回機票、2晚酒店住宿連早餐

 

皇帝島-皇帝式享受

如果想試下「皇帝式」渡假嘅感覺,同樣都係布吉島外島嘅皇帝島就啱哂妳哋啦!喺島上Batok  Beach 旁邊嘅 The Racha 就係一個唔錯嘅選擇,酒店有成85楝別墅,被椰子樹包圍住,加獨一無二嘅燈塔。喺呢個咁寫意環境,最啱同閨蜜一齊嚟輕鬆下,過一個3日2夜嘅行程,做下Spa就最啱!又或者一齊去酒店對出嘅超白沙灘,無論係玩水定黃昏嚟漫步下都夠哂正!

Travel Expert
Photo from Travel Expert

話明係「皇帝式享受」,呢度嘅85楝別墅當然唔會令人失望~其中 Deluxe Villa 每人只係$4,690起。如果多幾個閨密一齊出發,就梗係住下獨一無二嘅 The Lighthouse 燈塔房,5層高嘅燈塔房最多可以住到6個人,房內仲有私人泳池添~套票價錢同樣係包咗來回機票、2晚酒店住宿連早餐㗎!好適合想輕輕鬆鬆渡假嘅妳哋~

Travel Expert
Photo from Travel Expert

地址:Batok Bay, Racha Yai Island 44 Rawai, Muang Phuket 83100, Thailan
價錢:$4,690起-Deluxe Villa 房型/$6,290起-Spa Pool Villa 房型/$11,190起-The Lighthouse 房型
(價錢為3日2夜:來回機票、2晚酒店住宿連早餐

 

其實除咗以上3個小島,泰國同樣有其他高質獨特嘅小島,好似係熱門嘅布吉島、蘇梅島同新興嘅喀比,都係非常適合同三五知己一齊週末渡假嘅好地方!更重要嘅係,每個小島都有唔同嘅行程可以選擇,想了解更多不妨Click入專業旅運嘅網站,選擇最適合自己嘅小島行程!又或者參考泰國政府旅遊局(香港)嘅分享,拎下靈感,下個週末就帶埋閨蜜一齊嚟泰國渡個假啦!

 

Presented by Travel Expert

 

 

Share to Facebook