download HolidaySmart 假期日常 app
午市8折!銅鑼灣人氣平價Omakase〜原板日本海膽!必食吞拿魚/天婦羅丼飯!

午市8折!銅鑼灣人氣平價Omakase〜原板日本海膽!必食吞拿魚/天婦羅丼飯!

美食推介 新餐廳推薦
By cici.cheung on 14 Aug 2019

日式海鮮丼專門店「豊勝手丼」終於喺銅鑼灣重新登場喇!今次嘅全新餐牌包括多款丼飯,更加有廚師發辦壽司、迷你丼同勝手丼,款款時令刺身都係每日新鮮限量供應!而由8月16日起「豊勝手丼」仲會推出激安午市優惠,喺指定時段惠顧可以享有8折優惠!快啲趁住優惠期間去慰勞吓自己啦!

PresslogicPhoto from Presslogic

日文中嘅勝手丼係指自選刺身蓋飯,客人可按照自己喜好挑選唔同材料,配搭出自己嘅海鮮丼。而「豊勝手丼」一直以新鮮時令嘅海鮮刺身同海鮮丼作為主打,吸引一眾食客。

今次「豊勝手丼」全新推出廚師發辦壽司($328),一客有9件壽司,固定壽司有日本海膽、赤蝦同大拖羅等等,而其他款式就會由廚師根據是日魚鮮發辦〜相比起香港其他廚師發辦餐廳,$328可以食到呢個質素嘅魚生真係超值呀!

PresslogicPhoto from Presslogic

仲有全新推出嘅九鼎丼($368),木盤上面放咗9款迷你刺身丼飯,都係由廚師根據是日魚鮮發辦㗎〜當季亦有提供盛產期為6月至9月伊佐木,魚身味鮮清爽甜美,肉質彈牙。另外仲有推出季節魚廚師發辦丼($278),一碗有8至9款時令刺身,可以俾你品嘗到當季最新鮮嘅魚生~

PresslogicPhoto from Presslogic

今次重新開幕同時推出咗4款全新丼飯,當中有3款熟食,就算唔食魚生都唔怕冇野好食呀~

蒜頭醬油漬魚生丼 HK$178
魚生丼以多達10款時令魚鮮加上秘製蒜頭醬油醃漬而成,蒜頭醬油令丼物更香口惹味〜

PresslogicPhoto from Presslogic

天丼 HK$198
天丼由時令海鮮如虎蝦,蔬菜如蘆筍、冬菇、大葉、日本流心蛋組成,再加上自家製天婦羅醬汁調味。

PresslogicPhoto from Presslogic

塩燒魚鮫丼 HK$228
「豊勝手丼」首推塩燒魚鮫丼!魚鮫為魚鰓對下、兩邊魚鰭對入嘅位置,骨少又肉嫩肥美。「豊勝手丼」將鹽燒三文魚同油甘魚魚鮫加入至丼物之中,佐飯一流!

PresslogicPhoto from Presslogic

鵝肝丼 HK$188
另一款熱食丼物由十分有人氣嘅鵝肝同北海道產帶子組成。加上蘆筍、冬菇、日本流心蛋組成一碗豐富十足嘅鵝肝丼。

PresslogicPhoto from Presslogic

除咗新推出嘅款式之外豐勝手丼仲有好多款人氣招牌海鮮丼㗎~

まぐろ丼 (吞拿魚丼) HK$298
齊集3款吞拿魚嘅吞拿魚丼,真係好吸引呀〜吞拿魚肉質肥美,加上碎蔥吞拿魚腩,好滿足呀!

PresslogicPhoto from Presslogic

三つの国雲丹丼 HK$298
港人最愛嘅海膽丼,三つの国雲丹丼使用原板韓國海膽、日本海膽同加拿大海膽,CP值非常高。

PresslogicPhoto from Presslogic

北海蟹丼 HK$198
北海蟹丼可以品嘗到松葉蟹肉、松葉蟹腳、松葉蟹鉗、味噌蟹羔同蟹籽。

PresslogicPhoto from Presslogic

二重鰻丼 HK$198
「豊勝手丼」以醬汁將原條鰻魚同星鰻燒至焦香入味,令佢成為其中一款人氣之選!

PresslogicPhoto from Presslogic

「豊勝手丼」由8月16日開始會推出激安午市優惠 (優惠時段:星期一至日12–5pm),凡惠顧4款丼飯或和食,將贈送價低一款!另外於指定時段 (星期一至日12–5pm) 惠顧任何食品都可以享有8折優惠!快啲約埋朋友嚟歎吓啦〜

豊勝手丼
地址:銅鑼灣登龍街18號VPoint地下3號舖
電話:5546 5046
營業時間:星期一至日 12:00–23:00

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel