超搞笑馬桶賽車Game！扔廁紙攻擊對手 放屁可以加速～執飯團食完消化咗化為燃料

而家啲game真係愈出愈搞鬼，最近有款日本馬桶賽車game推出，驟眼睇好似普通賽車咁，睇清楚佢地造型都好搞笑，而且玩法仲好過癮！

人類已經無法阻止日本人嘅創意！呢個日本PC game「激走！便座レース」角色有幾多唔同造型，好多都係正經嘅上身，但除咗褲咁坐係馬桶上面，好似認真地搞笑咁。

Photo from steam

感覺有少少似Mario賽車咁，坐住馬桶同對手鬥快到終點，有啲角色仲係睇住報紙、坐喺馬桶嘅造型好寫實又幾搞笑。仲可以不斷咁扔廁紙擾敵、攻擊對手，係咁發射廁紙，會一個個散開嘅廁紙係天上，場面都幾壯觀！

Photo from steam

玩家仲要執飯團，食咗飯團就會變做能量，會令馬桶加快速度，咁應該即係食完飯團消化變大便，大便就可以令馬桶賽車更快咁，真係幾搞笑～

Photo from steam

Photo from steam

喺官方介紹相片睇到比賽場地都幾多選擇，有商店街、河畔、山邊等等，睇落賽道都幾窄，仲要避開一連串嘅廁紙攻擊添，難度應該唔低。

Photo from steam

官網並無公布確實日期，

激走！便座レース
64位元Windows 7, Intel Core i7, 8 GB RAM, GTX760

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）