將浪漫銀河飲落肚！日本推神祕「星空杯」 傳統工藝師手工製作〜秒速爆紅引發搶購！

好多人都對浪漫又神祕嘅星空情有獨鍾，因為抬頭望向星空時就好似同世界隔離一樣，可以獲得短暫嘅寧靜。而唔少星空主題商品都會特別受到喜愛，好似日本藝術家佐藤裕美小姐製作嘅「星空杯」，一推出就已經秒速售罄！

Photo from 佐藤裕美さん

佐藤裕美小姐嘅家鄉正係擁有90多間清酒釀造廠嘅新瀉縣，所以今次特別製作呢一系列嘅星空酒杯，就咁望落好似好普通，但其實只要將酒注入杯中，星空就會慢慢浮現，用佢嚟飲酒真係特別有意境呀！

Photo from 宙COCORO

Photo from 宙COCORO

蒔繪傳統工藝師佐藤裕美小姐過往都有唔少蒔繪作品，今次經過多番鑽研先可以成功製作出暗藏多種顏色嘅「星空杯」，真係充滿誠意㗎〜

Photo from 佐藤裕美さん

Photo from 宙COCORO

雖然第一批「星空杯」已經售罄，但佐藤裕美小姐為咗報答大家嘅熱情，已經趕緊製作下一批「星空杯」喇！想買嘅朋友可以留意一吓〜

「宙COCORO」
販售店：新潟伊勢丹2樓「NIIGATA越品STAGE」

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）