周柏豪微博出聲明:熱愛祖國,從未支持港獨,亦反對暴力

周柏豪微博出聲明:熱愛祖國,從未支持港獨,亦反對暴力

時事熱話 生活熱話 娛樂新聞
ByHeidi on 26 Aug 2019 Digital Editor

周柏豪早排喺社交網站呼籲香港市民要登記就選民,但就被大陸網民圍插佢咁樣係港獨。雖然柏豪從未提及「港獨」二字,但面對如此指責,周柏豪似乎有唔少壓力,早排佢仲將Instagram嘅幾千張相刪到一張都冇。

 柏豪WB
Photo from 柏豪WB

沈默咗成個月,啱啱周柏豪就喺微博轉發咗種星堂娛樂公司嘅澄清Post,表示自己係愛國愛港嘅,佢以簡體字話:「生为中国人,热爱祖国、热爱香港。本人從未支持港独,也反对所有违法的暴力行为,特此声明。」(生為中國人,熱愛祖國、熱愛香港。本人從未支持港獨,也反對所有違法的暴力行為,特此聲明。)

 柏豪WB
Photo from 柏豪WB

種星堂娛樂公司嘅聲明就指出周柏豪係土生土長嘅「中国香港人」(中國香港人),而且佢一直以嚟都熱愛中華人民共和國同香港。聲明亦重申周柏豪從來都冇支持港獨,亦冇參與同港獨相關嘅活動。

 柏豪WB
Photo from 柏豪WB

廣告
廣告

由於柏豪嘅微博評論唔開放,所以網民嘅都轉去轉發區評論事件。有部分大陸網民見到呢個聲明就轉為支持柏豪,但亦有網民唔接受柏豪嘅愛國論:「有本事别删ins(Instagram) 同步更新一下ins和facebook啊喂」批評佢連聲明都要公司出。

 柏豪WB
Photo from 柏豪WB

 柏豪WB
Photo from 柏豪WB

嗱,又要人地做護旗手先放過人?

 柏豪IG
Photo from 柏豪IG

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook