2019韓國賞楓打卡熱門景點 走遍夢幻紅葉大道!

2019韓國賞楓打卡熱門景點 走遍夢幻紅葉大道!

旅遊攻略
By Ivory on 03 Sep 2019
Digital Editor

邊個話睇紅葉一定要去日本睇?韓國都一樣欣賞得到~小編就介紹5個熱門賞楓打卡秘境:邊山半島國立公園周王山內藏山南怡島、慶州,等你一次過走遍夢幻紅葉大道!

1.邊山半島國立公園
邊山半島好似聽落好陌生,但係佢嘅四方池喺唔少韓劇出現過,而經典韓劇《大長今》就係喺嗰度拍咖啦!來蘇寺就係劇入面「禪雲寺」絕美秋景嘅地方。而且喺呢個國立公園可以見到滿山紅葉嘅壯觀景色,一片片楓樹林陪伴在側,附近仲有瀑布添~

韓國紅葉

潺潺流水聲,配上一流嘅紅葉,互相映襯,秋意極濃!所以呢度亦都係唔少韓國攝影師拍紅葉嘅首選場地。喺呢度散吓步、睇吓書,咁就過一日,非常愜意~

海邊

夜晚仲可以入住位於海邊嘅酒店,無敵大海景配美食,簡直係人生一大樂事!

2.周王山
鍾意到處打卡嘅你,呢個賞楓地方真係唔可以錯過!秋天時分嘅周王山,成個山頭都佈滿楓葉,行到入去就好似畀楓林包圍住,超壯觀!而且,人稱「隱世紅葉秘境」嘅浮石寺係遊客打卡必到!

韓國紅葉

除咗有深紅嘅楓葉,仲有金黃嘅銀杏樹,鍾意寧靜,吸收大自然清新空氣嘅你,呢個地方絕對適合你!

韓國紅葉

睇完楓葉,你仲可以行吓喺丹陽江天空步道,高空飽覽南漢江嘅城市景色,更添一份刺激感,最啱帶埋小朋友一齊嚟玩!!

紅葉

3.內藏山
內藏山嘅紅葉被評為韓國10大靚景之一!喺天然嘅紅葉隧道散步,自己就好似浪漫韓劇中嘅主角,勁夢幻!打卡影相真係冇得輸!你可以搭纜車上山,由低至高,將內藏山絕美嘅紅葉仙境盡收眼底!

紅葉Photo from PressLogic

雖然去內藏山路途遙遠,來回大概需時6個鐘,但唔少遊客去過之後都極力推介,超級值得!

韓國紅葉

4.南怡島

數到遊韓必去嘅點少得四季都風景怡人嘅南怡島!江原道離首爾只有1個鐘內嘅車程,所以絕對唔難去!10月至11月嘅南怡島係最靚~深紅嘅楓葉加金黃嘅銀杏,隨隨飄落,秋天氣息非常濃厚!

紅葉Photo from PressLogic

銀杏Photo from PressLogic

附近有個晨靜樹木園,同樣有唔少高高矮矮嘅楓葉林,激似一個皇室嘅後花園,高貴脫俗!

韓國後花園

之後,仲可以企喺透明嘅天空步道,用獨特角度,睇盡呢個如夢似幻嘅秋景添~

天空步道

5.慶州佛國寺

韓國唔係得首爾先有紅葉睇嘅~另一個旅遊勝地釜山附近嘅慶州,到咗秋天就變成楓葉世界!慶州佛國寺係一個融合秋葉同歷史文化建築嘅景區,充滿書卷味!有啲似穿越時空,返咗去古代咁~

紅葉Photo from PressLogic

紅葉Photo from PressLogic

結束賞楓之旅,下晝仲可以到韓國最東邊嘅蔚山艮絕岬,親手寄出許願明信片;仲可以去埋經典韓劇《我的夢想型男》取景嘅竹城夢想教堂,感受浪漫甜蜜嘅味道~

寄明信片

教堂

秋天就係一閃即逝,短暫而唯美。如果想欣賞到浪漫迷人嘅紅葉靚境,就要把握賞楓時機,上Klook留意相關嘅韓國賞楓旅行團,同摯愛一齊走遍呢片絕色楓林美景。

Photo from: Klook
Presented by: Klook

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel