【2019日本賞楓景點大合集】5大必去人氣紅葉地區推薦!

【2019日本賞楓景點大合集】5大必去人氣紅葉地區推薦!

日本旅遊 關西 關東 北海道
ByIsabella Chan on 03 Sep 2019 Project Editor

秋天係睇紅葉嘅好季節~而日本嘅紅葉更係超級靚!小編整理咗5大必去人氣紅葉地區,包括:東京、名古屋、北海道,仲有鄰近大阪嘅奈良同京都,即刻睇吓邊個至啱你心水啦~

東京-選擇最多、熱門賞楓點!

要數選擇最多嘅熱門賞楓點,東京一定榜上有名!因為無論係東京市內嘅新宿御苑、神宮外苑銀杏大道,定係近郊地區嘅小江戶川越、伊豆半島嘅修善寺等,都係可以見到唔同嘅紅葉景緻~想深入感受秋日嘅氣息,小編特別推薦去東京近郊地區,除咗可以遠離城市嘅繁囂,仲可以體驗到東京近郊嘅另外一種風情~

日本紅葉
Photo from Klook

當中距離東京市區約一小時車程嘅小江戶川越,就係一個唔錯嘅選擇。喺小江戶川越附近,可以坐船順流而下到賞楓名勝-埼玉縣長瀞,喺船夫嘅帶領下,沿途睇到岩疊同紅葉交織嘅自然美景,真係靚到令人嘆為觀止呀!

PressLogic
Photo from PressLogic

大約20分鐘船程,之後就去到賞楓勝地「月之石紅葉公園」!公園入面嘅紅葉紅黃交錯,顏色豐富,而且楓樹數目好多,絕對係會令大家流連忘返~

名古屋-超夢幻紅葉+四季櫻打卡點

有無諗過有一個祕景,係日本唯一一處可以同時欣賞到櫻花,同紅葉兩大唔同季節嘅大自然美景呢?講緊嘅係位於名古屋近郊、愛知縣嘅豐田市,呢度嘅「小原四季櫻」係會喺春秋兩季都開花,而每年嘅秋季先係真正盛開嘅日子!

PressLogic
Photo from PressLogic

呢個地區種植咗超過一萬棵四季櫻,每年秋季時份當楓葉一轉紅,造就咗小原地區可以同時欣賞紅葉同櫻花呢個超獨特嘅風景!熱情嘅楓葉同粉嫩嘅櫻花相映之下,真係超夢幻呀!最啱約埋閨蜜一齊喺度影相打卡~

PressLogic
Photo from PressLogic

名古屋:一次享受兩大自然景觀!夢幻紅葉+四季櫻之旅:
永保寺賞楓&小原四季櫻&香嵐溪秋日之旅(名古屋出發)

北海道-浪漫秋日仙境

北海道係日本最早可以睇到紅葉嘅地區,想睇到群山環繞嘅紅葉,就要去支笏湖!作為日本第二深嘅湖,喺度睇紅葉真係夠哂詩情畫意~湖泊周邊充滿著各種五顏六色嘅楓樹,加上清澈嘅湖面上倒映著楓葉,就好似飽和度極高嘅一幅畫‌!真係夠哂浪漫~

PressLogic
Photo from Klook

喺日落時份嚟嘅話,仲有機會欣賞到金黃色嘅日光灑落喺湖面上,閃閃發光~好似仙境一樣!

KLOOK
Photo from Klook

奈良-近距離與梅花鹿賞楓勝地

如果覺得淨係睇紅葉已經滿足唔到你,可以選擇去關西奈良嘅「神鹿公園」~因為呢度有好多超可愛嘅梅花鹿,喺充滿紅葉嘅公園入面四圍走,體驗一次同唔怕生保嘅梅花鹿一齊賞楓葉,再被鹿仔追住問拎嘢食嘅感覺,一定係畢生難忘嘅回憶呀!

PressLogic
Photo from PressLogic

幸運嘅話,仲可以同鹿仔一齊互動兼影相留念!比起一般只係睇到紅葉嘅景點,奈良嘅「神鹿公園」就更加適合好動嘅大家!

PressLogic
Photo from PressLogic

京都-古風賞夜楓點燈

京都-係體驗最純粹日本風情嘅好地方,全因呢度夠哂古色古香~夜遊京都,感受涼涼秋意嘅同時,其實夜晚都可以欣賞到美麗嘅紅葉㗎!賞楓夜遊嘅活動喺京都唔少地方都有,但最令人讚嘆嘅,非「北野天滿宮」嘅「紅葉苑」莫屬!因為苑內有成300株紅葉,可以稱得上係京都嘅「賞楓名所」!

PressLogic
Photo from PressLogic

夜楓嘅景色同日頭所見到嘅紅葉,絕對係兩種截然不同嘅感覺。喺密密麻麻嘅紅葉包圍之下,盛大嘅紅葉喺燈光照射下,格外迷人,為夜晚畫下美好句號~

PressLogic
Photo from PressLogic

睇完呢5大必去嘅日本人氣紅葉地區,係咪即刻心思思想出發呢?出發前記得Click入「Klook」嘅網站,仲可以睇到更多紅葉行程選擇、住宿、交通,同睇紅葉嘅小Tips⋯⋯仲諗咁多?即刻計劃最適合自己嘅賞楓之旅啦!

Presented by Klook

Share to Facebook