人工加幾多自己話事！同同事傾就OK？英國公司打破傳統推自定工資計劃

只要老細唔反對，你就可以自己話事加自己人工，依個世界真係有咁著數嘅工？！

真係有㗎！喺英國倫敦就有一間負責幫助企業爭取政府資助嘅公司GrantTree，依間公司有一項非常特別嘅計劃，就是畀員工隨時調整薪金，仲要唔使老闆批准添～

Photo from GrantTree

公司指計劃嘅目的係吸引頂尖人才，令公司保持競爭力。而每個員工喺決定加薪前，都必需收集同業相同職位嘅薪金作比較，判斷公司有冇能力支付此薪金，及就工作表現作自我評估，最後就係同其他同事商討。

Photo from GrantTree

最近，一名25歲女員工Cecilia Manduca接受訪問時就指，佢決定畀自己加薪7,000鎊，年薪達到37,000鎊。

Photo from GrantTree

據《BBC》報導指，Cecilia起初亦好猶豫應唔應該為自己加人工，及擔心加薪嘅幅度會令人覺得佢貪心，但經過同同事討論之後，明白自己嘅工作性質有變，己經超出原本嘅職責，所以佢哋都認為Cecilia加薪係應該的。

Photo from GrantTree

當然，依個機制並唔係只有加無減喇！公司中就有員工就因為職責嘅改變而自願減薪。

Photo from GrantTree

而除咗GrantTree之外，喺英國亦有其他公司實行類似嘅計劃。英國某軟件公司就指自推行此政策後，公司嘅離職率大幅降低，而平均工資則上升約10%。當然中間亦有員工提出比市價高出嘅不合理要求，不過佢唔認為係員工貪心，佢只會同員工提出如果佢無辦法證明自己係值得依個價錢嘅人工時，就只有請佢離開。

Photo from GrantTree

唔知依個政策又有冇可能喺香港實行呢？

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）