深水埗人氣三肥美食9月尾結束營業！網民大呻：無得食生炸雞髀/椒鹽燒賣

深水埗出名多美食，掃街小食、鑊氣小炒、懷舊糖水等一應俱全。人氣小食店「三肥美食」，其招牌生炸巨型雞髀大受歡迎，就連日本電視台也訪問過。可惜「三肥美食」於Facebook專頁透露，將於9月尾結束營業，令不少網民大感不捨。

「三肥美食」今年年中開業，主打巨型生炸雞髀和鹹蛋黃系列的小食，其雞髀論Size夠晒大件，生炸10分鐘左右，外皮呈金黃色即可，食落厚肉多汁，成為店內的招牌小食。

Photo from 三肥美食

店內還售賣多款特色小食，如椒鹽燒賣、椒鹽腸粉、黃金雞翼等都大獲好評，款款炸物夠晒香口。

Photo from 三肥美食

可惜三肥美食於Facebook專頁透露，將於9月尾結束營業。不少網民紛紛留言表示「以後無得食雞髀」，又有留言「希望老闆可以在深水埗區另覓鋪位繼續經營」。

Photo from 三肥美食

結業帖文中更為香港人打氣，籲「香港人加油」，令不少街坊大感不捨。三肥美食將會營業至9月29日，有興趣的朋友，記緊要去幫襯啦！

Photo from 三肥美食

三肥美食
地址：深水埗南昌街142-144號地下6號鋪
電話：3705 2150
營業時間：星期一至日12pm-10pm（營業至9月29日）

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）