吳若希疑Like反送中IG post 被指「港獨」微博用華為發文澄清 大陸網民唔收貨

大陸網民最近發起要清算支持反送中嘅藝人，仲hashtag埋「追捕黃尸艺人」。有大陸網民琴晚post咗幾張截圖指吳若希疑似係黃絲藝人，要求佢解釋。

Photo from 微博

截圖所見吳若希喺Instagram like咗兩篇有關警方向記者噴胡椒噴霧同發射催淚彈嘅Post。網民又以質問嘅語氣問：「吴若希小姐，请问您怎么解释这个」（吳若希小姐，請問您怎樣解釋這個）。

Photo from 吳若希微博

吳若希其後轉發咗呢條微博，解釋自己冇印象睇過呢篇文章，對於指控表示一頭霧水。佢亦表明自己嘅立場：「無論如何，我愛我的家，請不要再令香港分裂，不要再誤傳任何不實報導，謝謝！」

Photo from 吳若希微博

但呢位網民並冇接受吳若希嘅解釋，再次post咗證據證明吳若希的確有like到。吳若希就回覆話：「這是我剛剛上去査的，沒有點贊～沒有點贊，沒有點贊！你不信我也怎麼說也是沒辦法～我就踏踏實實生活」。而小編啱啱去相關嘅Post睇，的確見唔到吳若希嘅like，可能係unlike返。

Photo from 吳若希IG

雖然吳若希多次重申自己真係冇like到，但唔少網民都唔買賬，仲嘲諷佢係因為想繼續賺人民幣先咁解釋，又話「希望你在推特、FB发一下我支持香港警察。」以表明自己立場。

Photo from 微博

呢個大陸網民又不斷post出截圖指控其他香港藝人係「港獨」、「黃尸艺人」（黃絲藝人），連like過相關新聞嘅陳鍵鋒都中招。

Photo from 微博

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）