金義聖主持節目《Straight》播出 長半小時「2019香港的憤怒」

一直關心香港局勢嘅韓國演員金義聖，早前聯同韓國電視台MBC節目《Straight》拍攝團隊來港報導反送中示威活動。

節目喺琴晚播出，今集名為「2019香港的憤怒」，更邀請咗柳俊江做訪問。

金義聖之前喺網上非常關心香港嘅示威行動，更帶同MBC節目《Straight》拍攝團隊來港報導反送中運動。

Photo from 탐사기획스트레이트

節目終於喺琴晚韓國時間10點播出，呢集名為「2019香港的憤怒」。

Photo from 탐사기획스트레이트

節目拍攝到拎住banner嘅示威人士，更以韓文列出示威者嘅「5大訴求」。而金義聖見到示威活動場面，表示好似見到韓國喺1980年、1987年同2016年經歷過嘅民主運動事件咁，心情複雜。

Photo from 탐사기획스트레이트

而中間有一位記者喺無帶口罩嘅情況下採訪，獲一名戴晒裝備嘅示威者提醒要戴返防毒面具。

Photo from 탐사기획스트레이트

拍攝團隊亦都有報導到「7.21元朗事件」，更邀請當日喺現場嘅前主播柳俊江做訪問，柳俊江提到事件忍唔住落淚。

Photo from 탐사기획스트레이트

Photo from 탐사기획스트레이트

金義聖來港時曾到調景嶺開live直播人鏈活動，節目亦都有播到，更訪問參與嘅學生，學生以廣東話受訪指想以人鏈表達意見。

Photo from 탐사기획스트레이트

節目完結時，金義聖指：「呢個唔係其他國家嘅事咁簡單，民主同自由係世界性嘅人權，人類會為爭取人權而流血同抗爭。」

Photo from 탐사기획스트레이트

而曾經歷過1980年「光州事件」嘅韓國人更能夠理解香港市民想爭取民主嘅決心。