download HolidaySmart 假期日常 app
【JOKER小丑】由瘋狂得如死水嘅城市造就小丑  「是我想太多,還是這世界越來越瘋狂?」

【JOKER小丑】由瘋狂得如死水嘅城市造就小丑 「是我想太多,還是這世界越來越瘋狂?」

生活熱話 電視電影
By Rachel Lo on 04 Oct 2019
Deputy Managing Editor

《JOKER小丑》為DC最經典反派小丑獨立故事,不過呢套電影獨立於DC擴展宇宙(DCEU),所以情節有別於漫畫。一講起「小丑」就好自然會諗起《蝙蝠俠:黑夜之神》希夫烈格(Heath Ledger)嘅小丑,但由華堅馮力士(Joaquin Phoenix)飾演嘅小丑亦相當出色。

Arthur Fleck(華堅馮力士 飾)係個出租小丑,好希望成為棟篤笑匠,就好似佢媽媽幫佢改嘅花名「Happy」咁,想為大家帶來歡樂。但受盡社會冷漠同殘酷所折磨,由一個有血有肉嘅人,一步步推向成為「小丑」。

JOKER小丑Photo from WBPicturesHK

與其話呢套電影係英雄電影系列衍生出嚟嘅電影,不如話佢係刻劃現實世界嘅故事。並無英雄電影嘅正派、反派嘅對立,只有一個社
會邊緣人點樣由想為大家帶來歡樂,被社會以及身邊嘅人嘅惡意,令佢幾經掙扎先會成為小丑。

JOKER小丑2019Photo from WBPicturesHK

同漫畫跌落化學池成為「小丑」有所出入,喺《JOKER小丑》嘅Arthur本來都係個有同理心、善良嘅人,經呢個貧富懸殊、社會歧視、政府對市民置若罔聞,甚至削減社福資金嘅葛咸城洗禮,一層一層咁「蛻變」為小丑。

*劇透警告*

rev-1-JOK-Trailer_2-0443_High_Res_JPEG

Arthur本來係個潦倒嘅出租小丑,但唔代表佢無夢想,亦唔代表佢因為咁而成為邊緣人。曾經佢好渴望可以為人帶來歡樂,仲會做好多唔同嘅努力,只係為咗成為棟篤笑匠,而呢個社會將佢慢慢推向「小丑」。

joker2019電影Photo from WBPicturesHK

電影一開始就睇到佢化小丑妝,老實咁工作,但就畀班街童搶走佢拎住嘅廣告牌,仲將佢毒打一餐,而老闆因為佢嘅病,並唔聽佢任何嘅解釋,認為係佢收埋廣告牌,係咁要佢拎返出嚟,如果唔係再咁落去就要炒咗佢。

JOKER小丑Photo from WBPicturesHK

JOKER小丑Photo from WBPicturesHK

睇落佢好似無意義咁大笑,但其實佢走到後巷瘋狂咁踢垃圾發洩,佢都有情緒。對巴士遇到嘅小朋猶釋出善意咁整古做怪氹佢笑,反而令小朋友嘅媽媽帶有色眼鏡咁叫佢唔好騷擾個小朋友。

JOKER成魔之路Photo from WBPicturesHK

但仲要返屋企照顧年老體弱嘅母親,為咗唔令母親擔心,一直都掛住笑臉,對母親嘅溫柔同耐性係觀眾想像唔到佢就係大家心目中嘅「小丑」。

JOKER小丑2019影評Photo from WBPicturesHK

佢渴望喺眾人目光下被認同,曾經亦渴望有人可以聆聽。

佢同事明知佢嘅精神狀態唔穩定,仲用睇好戲嘅心情塞支槍畀佢。Arthur收到手槍,係想要但知道佢唔應該擁有,打算畀返同事,但同事堅持要佢收,佢先收。

joker2019Photo from WBPicturesHK

Joaquin Phoenix演到Arthur個種對槍感興趣,但佢將個種渴望壓抑落嚟、再喺屋企跳住舞咁擺弄把槍、唔小心對牆開咗槍而驚慌,都睇到原本佢並非殺人唔眨眼。

JOKER小丑2019Photo from WBPicturesHK

但當佢喺兒童病房跌咗槍慌忙收好,都係被投訴,先發現以為對佢好嘅同事係刻意陷害佢,因為覺得佢唔正常,想佢闖大禍。對於佢嚟講,係對佢相信人性嘅一大打擊。

WBPicturesHKPhoto from WBPicturesHK

幾個打扮斯文嘅西裝友喺地鐵借醉調戲女仔,因為佢嘅病令佢怪異咁大笑,同時都間接幫咗個女仔畀佢逃走到,但到佢被呢班打扮光鮮卻掛住齷齪嘴臉嘅西裝友圍打,佢只可以自衛。

開槍個下發現要停止人地對佢嘅暴行,就係以暴制暴。

JOKER小丑2019戲Photo from WBPicturesHK

Arthur本來係驚,但報紙登晒頭版,低下階層反而出現一股推崇小丑嘅熱潮,令Arthur得到一直以來苦苦追求嘅「認同」

JOKER小丑2019影評Photo from WBPicturesHK

尊敬嘅棟篤笑主持人向電視前嘅觀眾,毫不留情地嘲笑Arthur之前嘅表演。再發生佢曾經以為喺黑暗中嘅一絲「光明」、瀕臨懸崖邊緣嘅一條救命稻草,原來都係假象,猶如由天堂被推落地獄嘅反差。

JOKER小丑Photo from WBPicturesHK

一直堅信、以為係事實嘅信念更血淋淋係佢面前拆穿係謊言,觀眾都可以感受到佢嘅世界徹徹底底崩坍。到佢上節目前化妝,都可以睇到Arthur嘅氣場已經唔同晒,甚至要主持人向觀眾介紹佢為「Joker」。

JOKER小丑10月3日上映Photo from WBPicturesHK

「是我想太多,還是這世界越來越瘋狂?」

一眾支持小丑嘅示威者救走咗佢。好寫實咁描繪出現實社會嘅政府,當對市民困境視而不見、仲口口聲聲為大眾好但其實漠不關心,只顧及自己利益,無正視問題所在,被苦苦壓迫嘅群眾從而渴望有種可以推倒政府嘅極端力量。

JOKER小丑影評Photo from WBPicturesHK

「這是一溝絕望的死水,
清風吹不起半點漪淪。
不如多扔些破銅爛鐵,
爽性潑你的剩菜殘羹。
也許銅的要綠成翡翠,
鐵罐上鏽出幾瓣桃花」

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel