【迪士尼電影】真人版白雪公主即將開拍 《Speechless》班底再作神曲

【迪士尼電影】真人版白雪公主即將開拍 《Speechless》班底再作神曲

電視電影 生活熱話
ByJennifer on 30 Sep 2019 Digital Editor

迪士尼近年積極開拍真人版電影,包括經典嘅公主系列:《阿拉丁》《小魚仙》、《美女與野獸》、《仙履奇緣》等,仲有以CG為主嘅《獅子王》《小姐與流氓》等。

據外媒報導,迪士尼第一部長篇動畫《白雪公主》即將開拍真人版電影。

白雪公主醒返見到七個小矮人
Photo from 《白雪公主與七個小矮人》

《白雪公主》真人版預計會喺出年3月喺溫哥華開拍,依家已經開展選角工作,包括白雪公主、王子、巫婆/皇后同7個小矮人。

王子公主抱白雪公主
Photo from 《白雪公主與七個小矮人》

巫婆派毒蘋果俾白雪公主食
Photo from 《白雪公主與七個小矮人》

皇后想毒害白雪公主
Photo from 《白雪公主與七個小矮人》

好奇嘅七個小矮人
Photo from 《白雪公主與七個小矮人》

真人版《白雪公主》改編自經典動畫片《白雪公主與七個小矮人》,預計會同真人版《阿拉丁》一樣,喺保留原著嘅音樂外再加入新嘅原創音樂。

廣告
廣告

而真人版《阿拉丁》中茉莉公主嘅主題曲《Speechless》深受歡迎,詞曲作者係Benj Hasek同Justin Paul,佢地曾參與《星聲夢裡人(La La Land)》嘅創作。佢地亦會為真人版《白雪公主》作新歌。

雖然之前已經有開拍過以白雪公主為主角嘅主人版電影,包括:《魔鏡·魔鏡:白雪公主決戰黑心皇后》、《白雪公主之魔幻復仇記》等,但今次係迪士尼親自開發嘅真人版電影,仍引嚟外界關注。

真人版白雪公主同七個小矮人
Photo from 《魔鏡·魔鏡:白雪公主決戰黑心皇后》

之前網民就非常積極推薦曾喺《魔鏡·魔鏡:白雪公主決戰黑心皇后》中飾演白雪公主嘅Lily Collins再做主角,而「美國隊長」Chris Evans就做王子。

Lily Collins飾演白雪公主
Photo from 《魔鏡·魔鏡:白雪公主決戰黑心皇后》

白雪公主Lily Collins同王子
Photo from 《魔鏡·魔鏡:白雪公主決戰黑心皇后》

美國隊長Chris Evans
Photo from 《Captain America: The Winter Soldier》

好期待啊!!!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook