童年回憶!日本經典漫畫《忍者亂太郎》作者宣佈下月停刊 亂太郎/小丸/新丁讀咗33年一年級終畢業~

童年回憶!日本經典漫畫《忍者亂太郎》作者宣佈下月停刊 亂太郎/小丸/新丁讀咗33年一年級終畢業~

電視電影 生活熱話
ByCelia on 03 Oct 2019 Digital Editor

一提到亂太郎、小丸、新丁相信唔少人都會聯想到日本經典嘅連載漫畫《落第忍者亂太郎》,依3個忍術學校嘅一年級忍蛋,原來唔經唔覺已經陪伴咗大家33年,而日前作者尼子騷兵衛就宣佈因為身體健康嘅關係,決定為漫畫畫上句點。

漫畫《落第忍者亂太郎》喺1986年開始連載,故事講描忍術學校中一班一年級學生嘅校園生活,主角亂太郎同好朋友小丸、新丁一齊經歷過好多有趣搞笑嘅事,但咁多年嚟佢哋一直都冇升過班,依個一年級一讀就讀咗33年。

忍者亂太郎 停刊 落第忍者亂太郎
Photo from 《落第忍者亂太郎》

其後,漫畫更被改編成動畫、電影、電子遊戲等,並以《忍者亂太郎》命名。

忍者亂太郎 停刊
Photo from 忍者亂太郎

消息指今次作者尼子騷兵衛決定結束漫畫連載,係因為自今年1月因腦中風導致漫畫連載延期後,身體狀況一直都唔係咁好,雖然當時漫畫編輯就提出,想以精華回顧繼續連載,但作者就認為如果要繼續每天更新會有困難,所以就親自決定中止連載,結束依個長達33年嘅忍術學校故事。

忍者亂太郎 停刊 忍蛋
Photo from nhk

廣告
廣告

而最後一期就會喺11月30日喺日本發售,喺最後一期中將除書附贈32頁完結紀念特裝版小冊子,及收錄作品配音員專訪、幕後花絮及背後設定資料等內容。

忍者亂太郎 停刊 忍蛋  忍術學園
Photo from nhk

唔少粉絲睇到依個消息後,都是紛紛留言「又是一個時代的結束」、「出賣年齡嘅動畫之一」等等。

《忍者亂太郎》真係唔少人嘅童年回憶呀!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook