叫人畀啲面睇晒!杜汶澤撰千字文望大家唔好再近距離挑釁:留有用之身,做要做的事

叫人畀啲面睇晒!杜汶澤撰千字文望大家唔好再近距離挑釁:留有用之身,做要做的事

時事熱話 生活熱話 娛樂新聞
ByCelia on 03 Oct 2019 Digital Editor

近月香港發生嘅一連串社會衝突,引起全球關注,而喺過去嘅10月1號更有示威者被警察近距離以實彈攻擊,令人痛心,唔少藝人亦有為事件發聲!

而藝人杜汶澤今日凌晨就喺Facebook以《我居然叫人唔好鬧人》為題,打咗篇千字文希望大家「不要再近距離以言語挑釁警察」,及叫大家:「留有用之身,做要做的事。老人家心痛你哋,一時感觸多口了,請年輕人恕罪」。

杜汶澤 Facebook 我居然叫人唔好鬧人 反修例
Photo from 杜汶澤 Facebook

杜汶澤喺文中指出現時嘅警民關係已經無可挽回,好多時候衝突與抗爭未必有直接關係,純粹係仇人見面。

杜汶澤 Facebook  反修例
Photo from 杜汶澤 Facebook

之後,佢更為大家分析警隊中存在邊3類人。

1.極少數出於正義而選擇當差:「其實都只不過係個擦鞋仔集團,擦鞋越叻就越升得快,咩正義感都消磨晒啦!」

2.求學時期經常被欺凌、畀人打,自己又冇靠山,所以畢業就去考警察:「一般被暴力對待過嘅人,暴力傾向都特別嚴重。」

3.純粹為打份工:「呢班人同工廠入邊嘅機器、或者黨鐵入邊嘅入閘機基本上冇乜分別。上級叫你做乜你咪做乜囉,根本冇個人意志可言。」

廣告
廣告

杜汶澤 Facebook 三類警察 反修例
Photo from 杜汶澤 Facebook

另外,佢又指大家對於警察嘅觀念有誤會:「其實係來自細個睇電視劇或者電影,我可以好負責任咁話俾大家知,呢啲全部都係角色嚟,係編劇寫出嚟,如果寫得唔好,梁朝偉都唔會接啦!」

杜汶澤 Facebook 反修例 千字文
Photo from 杜汶澤 Facebook

最後杜汶澤更希望大家明白今時今日嘅香港警察,可以講得上係為所欲為:「你頂撞佢,輕則佢會罵你,用胡椒噴霧射你,重則開槍打你,打你唔死拉埋你。完全係唔需要負上任何責任!」

杜汶澤 Facebook 反修例
Photo from 杜汶澤 Facebook

有粉絲看後留言稱:「只要明白拳頭在近,無必要呈口舌之快,記住十年未晚。」、「聽澤一夕話,勝讀十年書」、「睇完明白理解咗好多依款生物嘅特徵」等等

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook