【Sulli雪莉離世】冇即時發文悼念被轟 前隊友f(x)宋茜反擊網民：不要對別人的人生指手畫腳。

韓國女團f(x)前成員Sulli雪莉14日離世，年僅25歲嘅雪莉疑遭受嚴重網絡暴力而選擇了結生命。

Photo from 雪莉IG

當時有網民發現前隊友宋茜Victoria未有即時喺社交媒體發文悼念雪莉，被唔少網民轟冷血。更有網友將責任推喺宋茜身上，指摘佢冇即時拉雪莉一把。宋茜當時冇出面解釋，被唔少網民誤會及批評。

Photo from 宋茜WB

但據知其實宋茜得知雪莉死訊後，喺拍攝現場落淚，同埋已經即刻返北京整簽證趕往韓國送別雪莉。有空姐透露宋茜當時好難過，睇落好憔悴，落機嘅時候連行李都唔記得拎。

Photo from Pinterest

宋茜琴日亦喺Insatgram Po咗f(x)出道時嘅5人合照，悼念雪莉：「雪莉呀，今日天氣好好，你一路好走，我唔會忘記你，我愛你。」

Photo from 宋茜IG

Photo from 宋茜

宋茜及後又喺微博反擊當時攻擊佢嘅網民：「請不要去對別人的人生拍手畫腳」忠告網民要善良地生活，又批評「什麼時候發微博朋友圈ins（instagram）變成了一把尺子，可以衡量道德？」

Photo from 宋茜WB

f(x)另一名成員Krystal都因為冇即時表態而被攻擊，不過有韓國媒體指出Krystal得知雪莉離世消息後，就立即到殯儀館為雪莉守靈堂三日，仲喺靈堂痛哭。

Photo from Krystal IG

雪莉經紀公司Sm都透過微博悼念雪莉：「猶然記得初見雪莉的那天。擁有著明朗微笑的可愛少女，逐漸成長為了一名萬眾喜愛的明星。現如今，她成為了每一個愛她的人心目中一顆永明的星。她的美麗、她溫柔的心，將被我們永遠銘記、珍藏於心底。」

Photo from SMTown WB

希望雪莉喺天堂可以無憂無慮咁繼續生活～網民亦都可以善良啲，唔好再對藝人惡意攻擊。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）