【淘寶2019】30日學識靈魂出竅 靠冥想引導意識離體 課程最平唔洗$5人民幣

無奇不有嘅淘寶又有新搞作，繼寫字機器人、代飲代食服務、復仇者聯盟4討論群後，竟然有「30天学会灵魂出体（30天學會靈魂出體）」課程。

小編上淘寶睇過，「30天灵魂出窍（30天靈魂出竅）」約有兩個相關課程。價錢都好平，一個要人民幣13.8（約港幣$15.28），另一個更平，只需人民幣4.99（約港幣$5.53）。

Photo from 淘寶

唔洗人民幣5蚊嘅課程名為「30天学会灵魂出体元神修炼法 元神出窍修真功法修炼教程秘籍（30天學會靈魂出體元神修煉法 元神出竅修真功法修煉教程秘籍）」，課程大約分為12個部分，除咗教一啲運用力量嘅基本方法，更會助你擺脫恐懼、發清醒夢、出竅嘅基本技巧，最後一課仲會教「輪回轉世和時間旅行」。

Photo from 淘寶

Photo from 淘寶

課程睇落就好高深，不過佢指以上僅展示咗部分目錄。要上呢個課程好簡單，「下單後」5秒就會send條link俾你，咁就可以跟住嚟學㗎喇！根據目錄，課程有至少5個練習俾「學生」做。

不過購買人數唔多，只有一個匿名評論俾咗個好評，而店家就提到如果喺24小時內收貨，俾5星好評+10個字以上嘅評論，就可以免費獲贈功法一份。

Photo from 淘寶

Photo from 淘寶

至於另一個貴啲嘅課程名為「冥想神器30天学会灵魂出体七天三十天学会灵魂出体灵魂出窍术教程（冥想神器30天學會靈魂出體七天三十天學會靈魂出體靈魂出竅術教程）」，購買人數都相對較多。

Photo from 淘寶

呢個課程並無提供詳細目錄，但就有提到課程包括課程介紹同兩個課時嘅正式練習（正式練習即係20~30分鐘嘅冥想練習引導）。

Photo from 淘寶

課程指《意識出離冥想》會帶領「學生」進入冥想狀態，引導佢哋嘅意念帶領意識離開身體。課程強調最後會帶領意識重返身體，絕對安全。課程若無效果，7日內可無理由退款。

呢個課程一共有242個評論，其中好評有成241個！大部分指「感覺不錯」、「老師很棒」，有人話：「剛看到這個還不太相信，後來自己聽了一下，我就感覺靈魂想要衝破頭頂飛出來了，突然家人叫我直接叫回魂了，身體像有巨大引力，心都要跌到肚子里了?」

Photo from 淘寶

至於唯一一個差評就指「沒有感覺」。

Photo from 淘寶

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）