林子博太太患癌 機構成立慈善基金相助 仔仔為氹媽咪笑寫詩、做小丑

林子博太太患癌 機構成立慈善基金相助 仔仔為氹媽咪笑寫詩、做小丑

生活熱話 娛樂諸事丁
ByJennifer on 18 Oct 2019 Digital Editor

無綫娛樂台前主播林子博老婆今年4月證實患上罕見癌症「平滑肌肉瘤」,佢哋決定公開病情,希望同更多同路人一齊面對病魔。

可惜林子博不獲大台續約,頓時成為「失業大軍」一員,屋企仲有一兒一女要供養,太太又患重病,林子博嘅處境即引起大眾關心。

林子博tvb
Photo from 林子博facebook

好彩嘅係,圈中有人出手相助,包括香港演藝人協會會長古天樂同馬浚偉向佢伸出援手,另外VIU TV亦邀請佢拍劇。

無綫娛樂台前主播林子博
Photo from 林子博facebook

又有慈善組織知道林子博嘅情況,發起募捐活動,希望可以幫到林子博太太,不過林子博就認為應幫助更多人而婉拒咗對方單獨為佢太太搞募捐。

林子博結婚照
Photo from 林子博facebook

而該慈善機構日前就舉辦慈善首映禮,邀請林子博夫婦出席,並喺活動上宣布將成立慈善基金,幫助同林子博太太一樣患上「平滑肌肉瘤」嘅病人。

廣告
廣告

慈善機構宣布成立慈善基金助林子博太太
Photo from 林子博facebook

林子博亦透露咗仔仔近日不時落力搞笑氹媽咪開心,甚至喺家中裸跑。

林子博全家去韓國旅行
Photo from 林子博facebook

仔仔更以詩表達對媽媽嘅愛錫,林子博將仔仔嘅功課上傳至Facebook,上面寫:「我是你生活中的小丑 天天在逗你笑 把你的不開心消除」、「我渴望是你的醫生 把你的病治療好 天天和細菌搏鬥」,句句充滿真心,完全睇得出佢對媽媽嘅關愛之情。

林子博仔仔做功課寫詩贈媽媽
Photo from 林子博facebook

連老師都俾佢感動到,評價:「關懷母親之情昭然可見,願她早日痊癒,誠心祝福」

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook