【本地遊2019】世界7大流星雨之一　獵戶座流星雨今晚有得睇！每小時最高可觀測到60顆

又係觀星筆出動嘅時候喇！

事關世界七大流星雨之一嘅「獵戶座流星雨」，每年嘅110月至11月初係英仙座流星雨嘅高峰期，估計今晚（22/10）至23/10凌晨係最大機會睇到！

Photo from 香港太空館

獵戶座流星雨嘅母體彗星係著名嘅哈雷彗星，係被人類確認嘅第一個周期彗星，獵戶座流星雨出現時間固定，不過對比其他嘅流星雨，佢嘅星量唔多，每小時最高可觀測到約60顆。

Photo from NASA

雖然依個流星雨嘅星量唔多，又好少會出現大規模爆發，但會勝在流量穩定，速度快，流量持續時間長，所以都好適合公眾觀測。

而今年香港太空館就估計，今次嘅獵戶座流星雨每小時會有20顆流星。

Photo from Presslogic

最佳觀測時間由今晚（22/10）10點30分開始至凌晨（23/10）5點30分結束。

想觀流星雨嘅話，可選擇到較少光污染嘅地區觀星，例如萬宜水庫嘅天文公園、大尾督、石澳、清水灣、長洲等，另外可以揀喺凌晨時分觀賞。

Photo from 香港太空館

除咗獵戶座流星雨之外，嚟緊11月嘅獅子座流星雨同12月嘅雙子座流星雨。

Photo from 香港太空館

另外，天文台預測今日天氣大致天晴，明日（10月23日）就有一兩陣驟雨，雖然唔知驟雨會唔會影響觀賞，不過如果大家有打算去觀賞嘅話就最好帶定多把遮喇！

Photo from 香港天文台

Photo from 香港天文台

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）