【日本旅遊2019】比往年遲22日！富士山終於初冠雪 好想去河口湖係咁影相～

好多人去東京旅行都會去一去河口湖，為咗一睹富士山嘅風采，而睇到清晰嘅冠雪富士山仲係唔少人嘅旅行目標嚟，有日本氣象新聞拍到今季富士山初冠雪，好靚！

根據日本氣象新聞ウェザーニュース報導，今日下午影到富士山初冠雪嘅影像，比往年遲咗22日，而比起昨季就遲咗26日。

Photo from ウェザーニュース

雖然無雪嘅富士山都好壯觀，但初冠雪嘅富士山真係好靚～會令到人好想而家就去河口湖影相！

Photo from PressLogic

日本甲府地方氣象台解說「初冠雪」，當山脈嘅一部分或全部被雪或白色固體降水覆蓋，而於甲府地方氣象台觀望睇到嘅時候，呢個現象就稱為「冠雪」。

Photo from ウェザーニュース

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）