李嘉誠基金會宣布捐10億助飲食業中小企：接下來將著力協助零售業

李嘉誠旗下基金會10月4號宣布捐出10億港元支援中小企，配合政府嘅措施同發放機制，望可以幫助本地中小企度過難關。

今日李嘉誠基金會指將再捐出10億協助本地飲食業，李嘉誠基金會指現時飲食業面對困境，整體營業額大跌三成，兩個月內有200間企業結業。

Photo from PressLogic

為助飲食業面對困難，基金會將捐款10億港幣作「應急錢」之用。

Photo from Li Ka Shing Foundation

「應急錢」會先以2億元支援飲食業，為合資格嘅中小型食肆提供6萬元，預計會喺11月底前發放。

Photo from Li Ka Shing Foundation

為咗令資金可以盡快送到有需要嘅中小型食肆手上，幫助佢哋度過艱難時刻，基金會指將會以最信任嘅態度，制定最簡單嘅批核過程：「只要申請者符合中小企定義，僱用少於50人，持有效商業登記及飲食業牌照（普通食肆 / 小食食肆 / 燒味及鹵味店）便可申請。」

Photo from Li Ka Shing Foundation

除咗飲食業之外，零售業嘅前景亦非常嚴峻，所以李嘉誠基金會話接下來將會著力協助零售業，現時正同零售業界代表洽議中。

最後基金會表示：「中小企處於水深火熱中，基金會提供援助刻不容緩，如計劃安排有未臻完善之處，期盼各界提供意見，使基金會日後可做得更好。同舟共濟，渡過難關，謹此與香港人共勉。」

資料來源：李嘉誠基金會

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）