【西貢好去處】西貢4大打卡好去處! 東壩郊遊、花園燒烤場+柴犬/果醬咖啡店

大家生活咗喺香港咁耐，相信都有唔少地方未曾踏足過，今集西貢區區遊，小編就一次過推介西貢4大打卡好去處比大家!首先帶大家去東壩郊遊行山，再到浪茄打卡放鬆下，行完山就去搵柴犬太郎食個早午餐或者試下覺家製果醬英式早餐，晚上仲可以約埋朋友/一家大細去秘密花園燒烤場添！

首站：西貢萬宜水庫東壩＋浪茄

不論工作、感情或家庭方面，相信大家最近或多或少會感到壓抑，今星期區區遊帶大家到西貢，騰空少少時間，嘗試放鬆心情，冷靜下來，再重新出發。一定要相信自己，堅持就可以成功！

溫馨提示1：行山前一定要做足準備，穿著適當的衣著；另外最重要記得尊重自然環境，自己垃圾自己帶走，保護自己的香港。

Photo from presslogic

老實說記者入過東壩無數次，對於新手來說，路線簡單，平坦易行，沿途風景吸睛。不少人會選擇從西貢碼頭或北潭涌搭的士或小巴到萬宜水庫東壩，但其實由北潭涌步行入東壩，需時大概2.5-3小時，趁天氣開始轉涼，不如齊齊親親大自然。

Photo from presslogic

溫馨提示2：駕車朋友注意，萬宜水庫東壩要有特定許可證，暫時只有小巴及的士可進內。

Photo from presslogic

位於萬宜地質步道，有一個70年代水庫建成後出現的海蝕洞，16年漁護署為方便行山人士可以近距離觀看海蝕洞，興建了一條木橋步道。若靜靜地留在這裡，吹吹海風之餘，可以聽到清脆的水滴聲。

Photo from presslogic

溫馨提示3：切勿進入洞內，也不應攀爬海蝕洞的岩壁。

另外防波堤亦是東壩特色之一，用途是抵禦海岸的地基被潮水沖蝕的堤壩建築形式。

Photo from presslogic

溫馨提示4：位於防波堤時，同樣切勿攀爬及塗鴉。

沿路繼續行就會見到浪茄指示牌，大概行半小時就會到達。沿途樹陰較少，記得塗好防曬，避免曬傷。浪茄位於兩組山峰和海岬之間，從高位俯瞰浪茄灣，水清沙幼，有點像去了泰國的小島。

Photo from presslogic

吹完海風，再步行回東壩看日落，相當寫意！一於讓自己放日假，逃離煩囂，再重新出發。香港人，加油！

第二站：柴太郎咖啡店

喜歡狗狗的朋友留意啦！在柴太郎咖啡店入面，柴犬太郎會做大家的店長，陪住大家歎一個下午茶。雖然咖啡店沒有海景沒有大自然風景，但對著太郎胖嘟嘟的樣子，都非常治癒。

柴犬太郎會不定時出現在店內，為大家服務。當初主人Candice開店時，就是想大家去到西貢時，有一個空間可以放鬆，同時「邀請」太郎加盟，為忙碌的大家治癒一下。不過大家記得不要太打擾太郎，始終太郎都會感到疲倦！

小店坐位不多，不過有室內和室外空間，大家亦可帶狗狗去到小店，過一個愉快的週末。店內更有不少柴犬的產品，例如是散銀包、簿、行李牌等等，都非常可愛，喜歡柴犬的朋友都可以購買。

至於在食物方面，推介大家必食全日窩夫早餐，材料豐富，而且窩夫和菠蘿果醬都是自家製，菠蘿果醬非常香甜。另外大蝦鮮茄意粉亦是記者最愛的食物之一，Candice指他們不用茄膏，以新鮮蕃茄煮成，依然非常濃味。甜品方面，推介雜莓焦糖香蕉法式多士，不會太甜又有特色。

咖啡亦有多款選擇，同時奶泡打得勻均，愛啡之人都必然會喜歡。

柴太郎咖啡店
地址：西貢市場街11號地舖
營業時間：星期一至五 10:00am-6:00pm /星期六至日 09:00am - 08:00pm

第三站：秘密花園燒烤埸

西貢有個好靚嘅燒烤場，感覺就好似個秘密花園，喺樹木嘅包圍之下環境超靚，係時候約埋成大班朋友去燒烤喇～
呢個燒烤場提供好多食物，套餐有兩款，如果只係想食肉可以揀HK$200，任食雞肉、牛肉、豬肉、雞翼、粟米等等，如果你好鐘意食海鮮的話，加多HK$100，每人HK$300就可以食到海鮮餐喇～

Photo from Presslogic

Photo from Presslogic

Photo from Presslogic

海鮮餐會每人多一份海鮮，有扇貝、鮑魚、蜆、海蝦、北寄貝等等，所有海鮮都好新鮮，而且非常厚身多肉，啖啖都食到海鮮嘅鮮味，正啊！仲有個海鮮鍋添，4個人去食就最抵喇～

Photo from Presslogic

Photo from Presslogic

Photo from Presslogic

呢個燒烤場非常闊落，仲有千秋同K房，燒到熱熱地仲可以唱番個K，正啊！

Photo from Presslogic

Photo from Presslogic

Secret Garden BBQ 秘密花園燒烤埸
地址：西貢蠔涌路成豐片場
官網：https://www.facebook.com/SecretGardenBBQ/

最後一站：一起果醬

「一起果醬」主打自家製手工果醬嘅咖啡店，有唔少特色果醬嘅西式早午餐、甜品都非常創意地加入果醬製作，果醬全部自家製、無添加，另外餐廳亦提供外賣果醬比你買返屋企～

10款無添加自家製果醬 ($49-$69)
分別有玫瑰蘋果、玉桂蘋果、桂花雪梨、芒果、士多啤梨、雜莓、熱帶風情、木瓜雪耳、蛋黃菠蘿、丁香香橙

Photo from presslogic

Photo from presslogic

全天英式早餐 ($79)
All day breakfast份量非常豐富，而且價錢相錢合理，有超香滑芝士炒蛋、煙肉、牛仔早餐腸、紐倫堡腸、扒蕃茄、炒蘑菇、焗豆、厚多士、果醬。果醬可以自己揀咩口味～

Photo from presslogic

Photo from presslogic

Photo from presslogic

班尼迪溫泉蛋 配芒果荷蘭汁 (單拼：$79;雙拼：$89)
可選：巴馬火腿/煙三文魚/大啡菇
呢度嘅egg benedict特別嘅係芒果荷蘭汁，芒果味唔算太濃，但都食到陣陣嘅芒果香，配上溫泉蛋，非常豐富呀！

Photo from presslogic

Photo from presslogic

Photo from presslogic

士多啤梨果醬燒豬肋骨 ($89)
燒豬肋骨非常軟腍，估唔到配上士多啤梨果醬係咁夾，值得一試！

Photo from presslogic

Photo from presslogic

果醬九宮格多士 ($49)
一件多士分成9格，每一格分上一種口味嘅果醬，玫瑰蘋果果醬唔會太甜，啖啖蘋果香，不過玫瑰味就可以加強多少少；桂花雪梨果醬比較甜，雪梨味濃；另外有芒果、士多啤梨、雜莓、熱帶風情、丁香香橙、蛋黃菠蘿，可以一次過比你試晒咁多口味！

Photo from presslogic

Photo from presslogic

Photo from presslogic

果醬雪糕窩夫餅 ($49) (半份：$52;全份：$89)
窩夫餅即叫即製，果醬可以自己揀咩口味，小編今次就揀咗木瓜雪耳果醬，果醬有粒粒木瓜，每一啖都好似食緊木瓜雪耳糖水咁～

Photo from presslogic

Photo from presslogic

特製果醬梳打 ($38)
特製果醬梳打同樣可以自己揀果醬口味，小編揀咗熱帶風情口味，水果味好香呀，同平時飲雜果梳打味道差不多～

Photo from presslogic

一起果醬
地址：西貢市場街9號地下
電話：2791 9888
營業時間：星期一至五:10:00 - 20:00; 星期六至日:09:00 - 21:00;公眾假期:09:00 - 21:00

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）