download HolidaySmart 假期日常 app
澳洲山火焚燒逾2000公頃樹林 超過350隻樹熊或葬身火海

澳洲山火焚燒逾2000公頃樹林 超過350隻樹熊或葬身火海

時事熱話 生活熱話
By Jennifer on 01 Nov 2019
Digital Editor

秋天天氣乾燥,容易發生山火,而今年世界各地都有山火發生,包括亞馬遜森林剛果盆地、俄羅斯、加州等地。

澳洲亦有山火發生,更恐怕會危及樹熊嘅生命安全。

澳洲新南威爾斯北部近日發生嚴重山火,焚燒面積達2000公頃樹林,相當於2000個足球場咁大。

澳洲山火焚燒2000公頃樹林Photo from EPA

澳洲山火焚燒2000公頃樹林Photo from Reuters

火場面積極大,更波及樹熊嘅棲息地,但由於火勢猛烈,消防員未能入內救火,亦無法救出入面嘅樹熊。

澳洲山火焚燒2000公頃樹林Photo from AAP

樹熊遇到火災會爬到樹頂,將身體縮成一團,如果火勢不大,最多只會燒壞佢哋啲毛,但若火勢猛烈,火舌極有可能會沿住樹幹往上燒,危及喺樹頂避難嘅樹熊。

澳洲山火焚燒2000公頃樹林 350隻樹熊或葬身火海 恐有絕種危機Photo from PressLogic

然而無消防員可以入火場救災,專家估計有超過350隻樹熊或葬身火海:「呢件事係國家悲劇。」

近年由於氣候變化、棲息地受破壞等原因,野生樹熊數量大減,澳洲樹熊基金會估計野生樹熊嘅數量不足8萬隻。而居住喺各棲息地嘅樹熊來往減少令樹熊出現同系交配嘅現象,降低樹熊嘅基因多樣性。

澳洲山火焚燒2000公頃樹林 350隻樹熊或葬身火海 恐有絕種危機Photo from PressLogic

今年9月澳洲昆士蘭省同樣發生山火,大火燒到野生動物家園,昆士蘭警方進行救援時,發現一對倖存樹熊母子,樹熊媽媽更以手臂緊緊抱住仔仔保護佢。

樹熊媽媽以身擋火保護仔仔Photo from RSPCA Queensland @FB

今次大火可能會令野生樹熊嘅數量再次下跌,甚至有絕種危機。

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel