利君雅親自打電話邀請杜汶澤同阿叻陳百祥開live 阿澤:會以禮相待

利君雅親自打電話邀請杜汶澤同阿叻陳百祥開live 阿澤:會以禮相待

時事熱話 生活熱話 娛樂新聞
ByJennifer on 04 Nov 2019 Digital Editor

最近社會活動不斷,唔少藝人都發聲表態,包括反修例嘅杜汶澤Tommy阮民安何韻詩等。

亦有表態撐警嘅藝人如譚詠麟、鍾鎮濤、阿叻陳百祥等,而港台節目就請到立場相反嘅兩位藝人齊齊開live。

香港電台節目《視點31》,由2014年開播,其中一位主持係獲封「新聞女神」嘅利君雅。

港台節目邀請杜汶澤同阿叻陳百祥開live 利君雅打電話親自邀請
Photo from 《視點31》facebook

《視點31》今日宣布邀請咗杜汶澤同陳百祥一齊喺Facebook開live傾下最近嘅社會局勢:「咁嘅局勢,香港人咩心情?我哋請阿澤、阿叻一齊傾下!」

兩位都係敢言之人,又係網上直播,尺度極有可能會比普通節目更大!

港台節目邀請杜汶澤同阿叻陳百祥開live 利君雅打電話親自邀請
Photo from 《視點31》facebook

有網民表示期待到時嘅主持人會係利君雅擔任,不過阿澤就表示聽日唔係利君雅做主持。

杜汶澤喺Facebook出post指:「首先,當收到利君雅嘅來電,我承認我係有啲緊張,因為佢始終係我偶像。」

廣告
廣告

港台節目邀請杜汶澤同阿叻陳百祥開live 利君雅打電話親自邀請
Photo from 杜汶澤facebook

利君雅表示想邀請佢上《視點31》不過一開始阿澤係拒絕嘅:「討論嘅對象係幻想自己如果係警務署長就一早開真槍嘅陳百祥,問我有無問題,我就話no喇!」佢表示自己脾氣唔係幾好,怕影響到香港電台一貫健康、持平同中立嘅形象。

佢話:「雖然聽日唔係利君雅做主持,但係既然佢打得比我,我一定會支持佢。所以我應𠄘咗,做呢個節目。」佢同時多謝阿叻應約。

港台節目邀請杜汶澤同阿叻陳百祥開live 利君雅打電話親自邀請
Photo from 港台

杜汶澤話睇到港台fb有好多留言,希望佢會爆粗甚至動武:「我應承咗利小姐,會以禮相待,唔會令佢孭鑊,大家可以死咗條心。」

港台節目邀請杜汶澤同阿叻陳百祥開live 利君雅打電話親自邀請
Photo from 杜汶澤facebook

721元朗黑夜之後,節目曾邀請立法會議員何君堯同朱凱廸參與討論,當時都有唔少經典場面。

而今次邀請到兩位做開節目嘅藝人,相信到時實會火花四濺!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook