奇洛李維斯結束單身！拖女友行紅地毯 前女友女兒離世後單身至今

荷李活巨星奇洛李維斯唔止演技出色，佢嘅私生活一直都係大眾關注嘅焦點。

現實中嘅奇洛李維斯，同佢飾演嘅《殺神》主角John Wick，人生經歷有相似之處。

奇洛李維斯出演《廿二世紀》後，成為荷李活巨星，但為人仍非常低調，唔止會安慰飛機故障迫降嘅乘客，更曾與流浪漢share麵包食。

Photo from Pinterest

不過佢嘅人生卻好似同佢開玩笑咁，比較坎坷。奇洛李維斯自小同媽媽妹妹相依為命，為照顧自己同家庭，佢年紀輕輕就周圍打工。

好彩後來佢遇上一個女人Jennifer Syme，同對方相愛9年，1999年，Jennifer Syme更懷上奇洛李維斯嘅女兒，佢哋幫女女改名為Ave。

Photo from Pinterest

可惜好景不常，Jennifer Syme喺懷孕8個月時不幸流產。佢哋更因此而分手。過咗無幾耐，Jennifer Syme仲因意外離世。

失去女兒同女友嘅奇洛李維斯傷心欲絕，之後單身至今，已有19年。

而佢喺拍攝《廿二世紀》續集時，唯一嘅妹妹卻患病，奇洛李維斯為咗妹妹賣咗自己間屋，俾妹妹有更好嘅環境養病，幸運嘅係妹妹最後順利康復。

Photo from Pinterest

佢曾提起自己一生最愛：「我到現在都會諗，如果Jennifer同孩子都無離開，我哋依家會有幾幸福。」

上天終究都係關顧奇洛李維斯，佢終於搵到自己嘅愛人，同女友Alexandra Grant拖手出席由洛杉磯藝術博物館主辦的藝術電影晚宴。

Photo from People.com

Photo from Pinterest

Alexandra Grant今年46歲，係奇洛李維斯嘅好友，於2011年為奇洛李維斯寫嘅詩集畫插圖，佢哋之後更一齊創辦出版公司。今次亦係55歲嘅奇洛李維斯出道35年嚟，首次同女友喺紅地氈上十指緊扣。

Photo from People.com

恭喜晒呀！！！！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）