【Let It Go...Let It Go...】未上映已掀熱潮！《魔雪奇緣2》首日預售即破《反斗奇兵4》票房紀錄

繼上一集《魔雪奇緣》（Frozen）喺2013年上映時大受歡迎，更成功創下全球12.74億美元票房紀錄！

嚟緊11月23日迪士尼動畫《魔雪奇緣2》就會喺香港上映喇！

雖然香港就仲未有得預售，不過喺北美地區，日前就率先公開預售門票，結果喺開售24小時已經擊敗今年大熱動畫《反斗奇兵4》嘅最高預售票房，開創票房新紀錄。

有估計指，今次依一集《魔雪奇緣2》有望喺開畫三日嘅票房就必定能衝破1億美元添呀！

另外，電影仲會多個國家同步上映。

前晚《魔雪奇緣2》嘅一眾配音演員就喺加拿大多倫多舉行宣傳活動，Elsa公主、妹妹Anna與小白Josh Gad都有出席。

唔知大家準備好再闖依個魔法冰雪世界未呢？！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）