【將軍澳美食】寶林全新街市掃食場！宵夜小食檔開至1am 即炒麵包蟹/手工燒賣/辣雞翼尖

將軍澳寶林街市翻新重開，新增小食街，有超過十多間食店，有得食手工燒賣、泰式串燒、即炒麵包蟹等，更有日本人主理的日式料理，各式小食店營業至凌晨1am，宵夜有著落！

以日本師傅主理的日式料理，食肉獸必食特盛日式叉燒飯，大概有12塊叉燒，份量十足，質感軟嫩！

Photo from presslogic

人氣小食推介包括日式炸魚餅和手製炸魚蛋，炸魚蛋味道包括枝豆、粟米、菠菜、蒜頭、洋蔥、三文魚及創意滿分的童星點心麵。

Photo from presslogic

另外供應日式咖喱關東煮，包括有雜菜天婦羅、年糕袋、魷魚卷、迷你雜菜球、燒魚卷、魚餅及薯仔，相當豐富。

Photo from presslogic

以海南美食為主的撈得掂，必食推介古早味即炒時令海鮮，視乎當日時令海鮮而供應，確保食材新鮮。

Photo from presslogic

麵包蟹及龍蝦先炸後再回鑊炒，香氣四溢，鑊氣十足。

Photo from presslogic

由正宗泰國人主理的泰國小食店，主打泰式串燒、泰式小炒、咖哩以及即炒海鮮！串燒即叫即燒，食前先蘸上秘製沙嗲醬，味道更惹味。

Photo from presslogic

Photo from presslogic

來自台中的台飲店手作功夫茶，供應黑糖珍奶、水果茶、芝士奶蓋為主，特別之處是以高成本的蜂蜜代替果糖，甜度可選少蜜、半蜜、微蜜或無蜜，飲落更香甜順口。

Photo from presslogic

車仔麵提供餸款多達40款，麵款就有近10款可供選擇，不過推介小食之一香辣雞翼尖，以B仔配方改良而成，煮至入味，香辣過癮。

Photo from presslogic

全港首創黑白燒賣

Photo from presslogic

店內主打手工燒賣及各款港式小食，所有燒賣堅持全人手包製而成，每日有特定出爐時間，包證夠新鮮，肉質彈牙有魚香。另有全港首推加入墨魚汁和墨魚粒製成的燒賣，賣相烏卒卒，墨魚肉粒夠爽口。

Photo from presslogic

冒菜麻辣燙即將進駐街市，主打四川冒菜及麻辣燙，推介麻辣雞煲、麻辣田雞煲、酸菜水煮魚等，辣勁十足！另有重慶串串及各式川味小食，必試有雙梅山藥、涼拌貢菜、海苔脆脆飯等。

Photo from presslogic

寶林市場
營業時間：0930am-1am
地點：將軍澳寶琳北路18號寶林市場

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）