【聖誕自助餐2019】超高質餐廳推介！閨蜜／情侶／家人慶祝好去處

美食推介

By Jennifer on 22 Nov 2019

Digital Editor

各位下個月就係聖誕喇！諗好點過未呢？

聖誕節梗係要食聖誕大餐啦～喺高級酒店餐廳食盡美食慶祝聖誕節係一個唔錯嘅選擇。

香港有酒店推出法式半自助晚餐，歎盡法式招牌主菜與法國即開生蠔，等你歡度佳節！依家仲有早鳥優惠！12月8號之前預訂並預付可享有85折！

喺外國，聖誕市集可以話係最能夠感受聖誕節氣氛嘅地方，除咗購物，各種美食都唔可以錯過。酒店嘅法國餐廳將會喺聖誕節推出半自助晚餐，加上海鮮市集的概念，等你可以食到歐陸聖誕市集嘅味道！

各種即開嘅新鮮法國Fine de Claire生蠔、波士頓龍蝦、麵包蟹等海鮮無限量供應，必食嘅仲有餐廳嘅招牌鴨肝凍餅，再可以揀選香濃嘅法式海鮮濃湯，未計主菜都已經回晒本！

Photo from 懷歐敘 Brasserie on the Eighth – Conrad Hong Kong

主菜有香烤澳洲黑安格斯牛柳同香烤火雞卷揀，牛柳肉質細膩柔軟，火雞juicy，小編兩樣都好想食，好難揀啊！

餐廳環境闊落開揚加上落地大玻璃，最啱同閨蜜同好朋友一齊慶祝，夠晒relaxing！

Photo from 懷歐敘 Brasserie on the Eighth – Conrad Hong Kong

懷歐敘法式海鮮節慶半自助晚餐

時間及價錢：

12月24日：（首輪）18:00~20:00 成人 $1,188／小童 $598 ；（次輪）20:30~22:30 成人 $1,388／小童 $688
12月25日：18:30~22:30 成人 $1,388／小童 $648
12月31日：18:30~22:30 成人 $1,788／小童 $688

除咗法國菜之外，仲有正宗意大利菜可以揀。

酒店嘅另一間西餐廳意寧谷Nicholini’s 主打正宗意國家鄉菜，喺聖誕節期間推出意大利家庭冬日菜式，由意籍主廚Chef Riccardo Catarsi主理，保證可以食到最地道意大利風味！

意大利Fontina芝士伴香烤牛柳，牛柳肉質結實，配搭咸香芝士，口感豐富。鮮味八爪魚伴魚子醬，兩者鮮味濃郁，好有層次。

意寧谷位於8樓可以睇到迷人維港夜景，餐廳佈置好有情調，情侶聖誕節喺度撐檯腳，夠晒romantic！

Photo from 意寧谷Nicholini’s - Conrad Hong Kong

意寧谷意國家鄉風味美食

時間及價錢：

12月24日：（五道菜）$1,488；（六道菜）$1,588(配以海鮮拼盤)
12月25日：（五道菜）$1,488；（六道菜）$1,588(配以海鮮拼盤)
12月31日：（六道菜）$1,888

Photo from 意寧谷Nicholini’s - Conrad Hong Kong

聖誕大餐一家大細熱熱鬧鬧一齊食buffet最有氣氛！咖啡園位於酒店大堂低層，豐富嘅海鮮自助餐供應波士頓龍蝦、琵琶龍蝦、法國麵包蟹、阿拉斯加雪蟹腳同澳洲青口等等，啱晒海鮮控～當然唔可以錯過即場即切新鮮魚生，味道鮮甜。仲有烤澳洲羊架、美國豬肋排、自家製迷你漢堡等超過10款燒烤，全部喺池畔戶外燒烤炭爐即席燒製，食肉獸唔好錯過！

Photo from 咖啡園 Garden Café - Conrad Hong Kong

聖誕節當然唔少得應節美食喇！自助餐更加入俄式酥皮三文魚、美式香烤火雞、香烤和牛等世界各地美食可以一次過歎晒！

Photo from 咖啡園 Garden Café - Conrad Hong Kong

咖啡園精選冬日限定自助餐

時間及價錢：

12月24日：（首輪）17:30~20:00 、（次輪）20:15~22:30 成人 $988／小童 $648
12月25日：（首輪）17:30~20:00 成人 $988／小童 $548；（次輪）20:15~22:30 成人 $788／小童 $548
12月31日：（首輪）17:30~20:00 成人 $988／小童 $498 、（次輪）20:30~00:00 成人 $1,088／小童 $598

12月又係時間要清annual leave？不如約埋好姊姐high番個tea！樂聚廊同瑞士抗肌膚老化專家VALMONT聯手合作，由即日至2020年1月3日期間呈獻瑞士生活下午茶，行政總廚Claudio Rossi預備咗好多瑞士傳統美點等你味遊瑞士！惠顧雙人份下午茶可以去太古廣場Harvey Nichols專櫃免費換領VALMONT緊緻臻顏修護體驗套裝一份，實行靚住過聖誕!

Photo from 樂聚廊 Lobby Lounge - Conrad Hong Kong