傳《龍咁威3》因題材敏感內地禁播 鄭中基霸氣回應：由頭到尾都係計劃拍港產片

近年電影市場不景氣，票房比較收得嘅多數係荷李活電影。

唔少電影業人士都為港產片貢獻良多，好似古天樂咁，就投資拍港產片《明日戰記》，表示：「香港人一樣做到世界級電影。」

大陸電影業近年發展迅速，多部國產電影票房破記錄。

所以有唔少香港導演、演員等都打算將電影喺大陸上映，好似梁家輝咁，佢主演兼導演嘅《深夜食堂》雖然票房成績不佳，但仍成功喺大陸上映。

Photo from 《深夜食堂》

由鄭中基、Stephy鄧麗欣、張達明、李燦森等人主演嘅《龍咁威》系列係經典港產片，隔咗10年，電影公司終於宣布今年會原班人馬開拍第三集。

Photo from 《龍咁威》

《龍咁威》主要講述由鄭中基等人飾演嘅警察嘅故事，佢哋喺執行任務過程中不時搞出笑話，好似拍《警訊》咁，小編都依家仲記得「曲街」，啲無哩頭笑點令觀眾輕輕鬆鬆咁睇完套戲。

不過由於近日由逃犯條例引起嘅社會運動持續，警民關係緊張，而《龍咁威》系列電影主題圍繞警察，題材較為敏感。

Photo from 《龍咁威》

Photo from 《龍咁威》

有傳因為呢個原因，所以《龍咁威3》喺大陸被禁，上唔到畫。更令投資方暫時擱置電影製作。

對於呢個傳聞，鄭中基喺Facebook霸氣回應：「由頭到尾都係計劃拍港產片」

Photo from 《龍咁威》

網民紛紛表示到時一定會入場支持！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）