download HolidaySmart 假期日常 app
Super Junior成員崔始源like西灣河少年採訪 中國網民怒罵逼佢退團

Super Junior成員崔始源like西灣河少年採訪 中國網民怒罵逼佢退團

時事熱話 生活熱話 娛樂新聞
By Jennifer on 25 Nov 2019
Digital Editor

韓國娛樂圈琴晚發生一件令人哀傷嘅事,28歲嘅Kara前成員具荷拉喺家中逝世,事件震驚亞洲fans。

不過除咗呢件事之外,原來仲有另一件事引起網民關注。

就係Super Junior成員始源,被發現喺Twitter like咗一篇有關西灣河少年嘅報導。

Super Junior始源like香港少年採訪 韓國網民讚好 中國網民逼退團Photo from 微博

大量中國網民對此大感不滿,認為佢此舉係「干預中國內政」。

韓國藝人金義聖之前一直支持香港示威活動,不時喺IG轉發有關情況,連影帝鄭雨盛亦曾經like過,兩人都被中國網民打上「港獨」嘅標籤。鄭雨盛喺第40屆青龍電影獎中榮獲「最佳男主角」,大陸媒體喺得獎名單都唔肯寫佢個名。

Super Junior始源like香港少年採訪 韓國網民讚好 中國網民逼退團Photo from 微博

而Super Junior一向喺大陸有大批嘅fans,今次崔始源嘅like Twitter事件,令一眾E.L.F(SJ fans)玻璃心碎,紛紛「割席」指唔會原諒。

Super Junior始源like香港少年採訪 韓國網民讚好 中國網民逼退團Photo from 崔始源IG

事後始源即喺微博以中文道歉:「我看到Twitter上發生的事件導致了一些問題,對於這個行為本身,我抱著希望早日平息止暴止亂的想法,表達我的關注。因為這行為引發了的爭論令大家反感和失望,我對大家表達最真摯的歉意。」

Super Junior始源like中彈少年採訪 韓國網民讚好 中國網民逼退團Photo from 崔始源微博

不過中國網民不接受,更叫崔始源退團:「中国elf真的很失望。也不会原谅你。毕竟我的国家更重要。I support my country.(中國elf真的很失望。也不會原諒你。畢竟我的國家更重要。I support my country.)」、「既然真挚那就请在FB跟IG上声明!(既然真摯那就請在FB跟IG上聲明!)」、「自私的问一句,您能退队吗?(自私的問一句,您能退隊嗎?)」、「希望你ins推特都发,不要觉得中国粉丝或者中国人好糊弄(希望你ins推特都發,不要覺得中國粉絲或者中國人好糊弄)」

Super Junior始源like香港少年採訪 韓國網民讚好 中國網民逼退團Photo from 崔始源微博

Super Junior始源like香港少年採訪 韓國網民讚好 中國網民逼退團Photo from 崔始源微博

不過韓國網民就非常欣賞:「有點了不起」、「對崔始源有好感了」、「這麼討厭他(始源)就脫粉吧」,對始源嘅行為非常佩服。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel